(නිමල කොඩිතුවක්කු)

ගෑස් මිල අඩු කළත් බේකරි නිෂ්පාදන වල මිල අඩු කළ නොහැකි බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පැවසීය.

බේකරි නිෂ්පාදකයන්ගෙන් 75% ක් පමණ ඩීසල්, දර සහ විදුලිය භාවිතා කිරීම මෙයට හේතු වී ඇතැයි ද ඔහු සඳහන් කළේය.

හත් දහසක් පමණ වන සමස්ත බේකරි ප්‍රමාණයෙන් ගෑස් භාවිතා කරනුයේ 2000 ක ට අඩු පිරිසක් පමණක් බවත් ජයවර්ධන මහතා කීවේය.

ඩොලරයේ අගය තවදුරටත් පහත වැටී තිරිගු පිටි, මගරින්, බිත්තර මිල ආදිය අඩු වුවහොත් පමණක් ඉදිරියේදී ජනතාවට සහනයක් ලබාදීමට කටයුතු කරන බවත් ඔහු සඳහන් කළේය.