(මනෝප්රිය ගුණසේකර)
හිටපු පාර්ලිමෙන්තු මන්ත්රී හිරුණිකා ප්රේමචන්ද්ර මහත්මියගේ රැකවලුන් පිරිසක් දෙමටගොඩ ප්රදේශයේ වෙළඳ සැලකට ගොස් එහි සේවය කළ තරුණයකු පැහැරගෙන ගොස් පහරදී සාපරාධී ලෙස බිය ගන්වන ලදැයි කියන නඩුවේ වැඩිදුර සාක්කි විමසීම සැප්තැම්බර් 14 වැනිදාට කල් තැබීමට කොළඹ මහාධිකරණ විනිසුරු අමල් රණරාජා මහතා කළේය.
දෙමටගොඩ ප්රදේශයේ වෙළඳ සලක සේවය කල තරුණයකු පැහැරගෙන ගොස් පහර දී සාපරාධී ලෙස බිය ගන්වන ලදැයි හිටපු පාර්ලිමෙන්තු මන්ත්රී හිරුණිකා ප්රේමචන්ද්ර මහත්මියට එරෙහිව පවරා ඇති නඩුවේදී පැහැර ගැනීමට ලක්වු අමිල ප්රියංග අමරසිංහ නමැත්තාගේ සාක්කි විමසා අවසන් වු පසු විනිසුරුවරයා එලෙස නියම කළේය.
2015 වසරේ දෙසැම්බර් මස 21 වැනිදා හෝ ඊට ආසන්න දිනයක දෙමටගොඩදී අමිල ප්රියංග අමරසිංහ නමැත්තා අයුතු ලෙස සිරකිරීමේ අදහසින් පැහැරගැනීමට කුමන්ත්රණය කිරීම, අමරසිංහ නමැත්තා අයුතු ලෙස සිරකිරීම පොදු අරමුණ කරගත් නීතීවිරෝධී රැස්වීමක සාමාජිකයින් ලෙස කටයුතු කිරීම, එලෙස කටයුතු කරමින් ඔහු පැහැරගෙන යෑම, ඒ සඳහා ආධාර අනුබල දීම, සාපරාධී බලහත්කාරය පෑම, අඬන්තේට්ටම් කිරීම, සාපරාධී ලෙස බියගැන්වීම ඇතුළු චෝදනා 29ක් යටතේ නීතීපතිවරයා විසින් විත්තිකරුවන්ට එරෙහිව මෙම නඩුව පවරා ඇත.
