(සුජිත් හේවාජුලිගේ)

වෙසක් පුර පසළොස්වක පෝය දිනය නිමිත්තෙන් බන්ධනාගාර  ගත රැඳවියන්ට විවෘතව  අමුත්තන් බැලීම සඳහා (OPEN VISIT) මැයි මස 12 හා 13  විශේෂ අවස්ථාවක් ලබාදීමට බන්ධනාගාර දෙපාර්තමේන්තුව තීරණය කර ඇත.

ඒ අනුව  මැයි මස 12 හා 13 යන දින තුළ රැඳවියන්ගේ ඥාතීන්  රැගෙන එන ආහාර පාර්සලයක්, රසකැවිලි පාර්සලයක් හා සනීපරක්ෂක ද්‍රව්‍ය අඩංගු පාර්සලයක් එක් රැඳවියෙකුට ප්‍රමාණවත් වන  පරිදි  ලබා දීමට අවස්ථාව ලබා දී ඇත.

සියලු සෞඛ්‍ය මාර්ගෝපදේශයන්ට අනුකූලව අමුත්තන් පෙන්වීමේ කටයුතු දිවයිනේ සියළුම බන්ධනාගාර ආයතනයන්හිදී  සිදු කරනු ලැබේ.