(යොහාන් භාසුර)

වර්ෂාව හේතුවෙන් උතුර සහ උතුරු මැද ඇතුළු බොහෝ පළාත්වල ජලාශ, ගංඟා සහ වැව් පිටා ගැලීම හේතුවෙන් මාර්ග ජලයෙන් යටවීමෙන් ජනතාව දැඩි අපහසුතාවට පත්ව සිටිති.

උතුරු පළාතේ ජනතාව මෙම තත්වයෙන් දැඩි අපහසුතාවට පත්ව ඇති අතර උතුරු පළාතේ පුද්ගලයන් 6,000 කට අධික පිරිසක් මේ වන විට අවතැන්ව සිටිති.

උතුරු පළාතට අයත් මුලතිව්හි මුත්තියන් කට්ටු, කිලිනොච්චිය පුදුමුරිප්පු සහ ඉරණමඩු යන ජලාශ වාන් දැමීම හේතුවෙන් ඇතැම් ජලාශවල බැමිවලට හානි වීමේ අවදානමක් ද ඇති බව වාරිමාර්ග දෙපාර්තමේන්තුව පැවසීය.

මුලතිව් ප්‍රදේශයේ ජල ගැලීම්වලට හසුව ආපදාවට පත්ව සිටින සහ නිවෙස්වලට කොටුවී සිටින ජනතාව මුදාගැනීම සහ සහන සැළසීම යුද හමුදාව මැදිහත්ව ක්‍රියාත්මක කරයි.

උතුරු මැද පළාතේ අනුරාධපුර මල්වතු සහ කලා ඔය ඇතුළු ජලාශ රැසක් මේ වන විට පිටාර ගලමින් ඇති බවත් ඒ හේතුවෙන් ඇතැම් මාර්ගවල ගමනා ගමනය සම්පූර්ණයෙන්ම නතර වී ඇති බවත් එම දෙපාර්තමේන්තුව සඳහන් කරයි.

රාජාංගය ජලාශයේ වාන් දොරටු 14 ක්, අංගමුව ජලාශයේ වාන් දොරටු 2 ක් සහ නාච්චිදූව වැවේ වාන් දොරටු 6 ක් මේ වන විටත් විවෘත කිරීමෙන් ඇතැම් ප්‍රදේශවලට ගංවතුර අවදානම් නිවේදන ද නිකුත් කර ඇති අතර මහවැලි ගඟ පොළොන්නරු සහ සෝමාවතිය ආදි ප්‍රදේශ කීපයකින් පිටා ගැලීම නිසා ප්‍රදේශ රැසක් ජලයෙන් යටවී තිබේ.

කණ්ඩලය ජලාශය පිටාර ගැලීම නිසා එම මාර්ගය සම්පූර්ණයෙන්ම ජලයෙන් යටතේ වී ඇති අතර පසුගිය කාලයේ කථා බහට ලක්වූ විදුලිබලාගාර ආශ්‍රීත ජලාශ වන කාසල්රී, විමලසුරේන්ද්‍ර සහ උඩවලව යන ජලාශවල ජල මට්ටම් ද ඉහළ යමින් ඇති බව ද වාර්තා වේ.

මුලතිව් (ප්‍රදීප් කුමාර)

නාච්චාදූව 

සූරියවැව (දිල්ප්)

පදවිය (පියදාස සමරවීර)