(ශාන්ත ප්රදීප් කුමාර කුලරත්න)
අතුරුගිරිය පෝරේ හංදියේදී යතුරු පැදියක් කැබ් රථයක ගැටී සිදු වූ අනතුරකින් යතුරුපැදියේ ගමන්ගත් තරුණියක මියගොස් ඇති බව අතුරුගිරිය පොලිසිය පවසයි.
මෙසේ මියගොස් ඇත්තේ හෝමාගම හබරකඩ බෝධිරාජ මාවතේ පදිංචි සචිනි යශෝධා නමැති 22 හැවිරිදි අවිවාහක තරුණියකි.
ඇය තම ස්කූටි යතුරුපැදියෙන් නිවසේ සිට මාලබේ දෙසට යමින් සිටියදී අතුරුගිරිය පෝරේ හන්දිය ආසන්නේ ගෝවින්න මාවතේ සිට ප්රධාන මාර්ගයට ගත් කැබ් රථයක ගැටි විසි වී මාලබේ දෙස සිට අතුරුගිරිය දෙසට ප්රති විරුද්ධ මංතීරුවේ ධාවනය වෙමින් තිබූ මෝටර් රථයක ගැටී මෙම ඩඅනතුර සිදුව තිබේ.
අනතුරින් යතුරුපැදියේ ගමන්ගත් අවිවාහක තරුණිය හෝමාගම මූලික රෝහලට ඇතුළත් කිරීමෙන් පසුව මෙසේ මියගොස් තිබේ.
