(බිමල් ශ්‍යාමන් ජයසිංහ)
පාර්ලිමේන්තු විශේෂ ආරක්ෂණ කොට්ඨාසයේ පොලිස් කොස්තාපල්වරයකු යතුරු පැදියෙන් ගමන් කරද්දි මොරගහහේන බෙරුකැටිය ප්‍රදේශයේදී ටිපර් රථයකට යට වී මියගොස් ඇතැයි මොරගහහේන පොලිසිය කියයි
අනතුරින් මියගොස් ඇත්තේ පානම දකූණු පානම චානක ලක්ෂාණ් අබේසේකර (28) නමැති අයෙකි.
මහරගම සිට මොරගහහෙන දෙසට සිය යතුරු පැදියෙන් ගමන් ගත් කොස්තාපල්වරයාගේ යතුරු පැදිය බෙරුකැටිය ප්‍රදේශයේදී එකවරම මාර්ගය මැද නතර වී ඇති අතර ඉදිරියෙන් පැමිණි ටිපර් රථය යතුරුපැදියේ ගැටීමෙන් මෙම අනතුර වී ඇතැයි පොලිසිය කියයි
අනතුර සිදු වූ වහාම කොස්තාපල්වරයා හොරණ මූලික රෝහලට ඇතුළත් ඇතුළත් කර වැඩිදුර ප්‍රතිකාර සඳහා කොළඹ ජාතික රෝහලට ඇතුළත් කර සිටියදී පැය කීපයකට පසු මියගොස් තිබූ බව පොලිස් නිලධාරියකු පැවැසීය
අනතුර වන අවස්ථාවේදී පොලිස් කොස්තාපල්වරයා ඇල්පිටිය ප්‍රදේශයේ සිය පෙම්වතියගේ නිවෙසට යමින් සිට ඇතැයි විමර්ශනවලදී අනාවරණ වූ බව පොලිසිය කියයි
