ඉරානයේ නව උත්තරීතර නායක මොජ්තාබා කමේනිගේ වීඩියෝ පටයක් පළමු වරට ප්රසිද්ධියට පත් වී ඇත. එම වීඩියෝ පටය ඉරානයේ 'මෙහර්' පුවත් සේවය ප්රසිද්ධියට පත් කළ බව ද පැවැසෙයි. ඇමෙරිකාව සහ ඉරානය අතර පවතින යුදමය නොසන්සුන්තා හමුවේ මොජ්තාබා කමේනිගේ වීඩියෝවක් ප්රසිද්ධියට පත් වූ පළමු අවස්ථාව මෙයයි.
ඊශ්රායල ප්රහාරවලින් මොජ්තාබා කමේනි දරුණු ලෙස තුවාල ලබා සිටින බව ඇමෙරිකාව මෙන්ම ඊශ්රායලය ද දිගින් දිගටම පවසයි. මොජ්තාබා කමේනි වීඩියෝවක් පළ කළේ එවැනි අවස්ථාවකය. තත්පර 12 ක මෙම කෙටි වීඩියෝවේ ඇත්තේ මොජ්තාබා කමේනි සිය ජ්යෙෂ්ඨ උපදේශකයින් සහ නිලධාරීන් පිරිසක් සමග සාකච්ඡාවක නිරත වන අයුරුය. වීඩියෝවට අනුව ඔහු ඉතා සන්සුන්ව සහ යහපත් සෞඛ්ය තත්ත්වයෙන් පසුවන බව දැකිය හැක.
