(විමුක්ති එස් රුද්‍රිගු)
ශ්‍රී ලංකාවේ ප්‍රාථමික සෞඛ්‍ය සේවා අඛණ්ඩව පවත්වා ගෙන යාම සහ ඊට අවශ්‍ය පහසුකම් සලසන ආකාරය සම්බන්ධයෙන් විශේෂ සාකච්ඡාවක් සිදු කළ බව ලෝක සෞඛ්‍ය සංවිධානයේ ප්‍රධානී ටෙඩ්රෝස් ගේබ්‍රියේසස් මහතා සිය ට්විටර් ගිණුමේ සටහනක් තබමින් ප්‍රකාශ කළේය
ස්විස්ටර්ලන්තයේ ජිනීවා හිදී පැවති ලෝක සෞඛ්‍ය සමුළුව අතරතුර සෞඛ්‍ය සේවා අධ්‍යක්ෂක ජනරාල් වෛද්‍ය අසේල ගුණවර්ධන මහතා සහ ලෝක සෞඛ්‍ය සංවිධානයේ ප්‍රධානී ටෙඩ්රෝස් ගේබ්‍රියේසස් මහතා අතර හමුවක දී මේ සම්බන්ධයෙන් සාකච්ඡා කර ඇත.
ආර්ථික අර්බුදය හේතුවෙන් ඇතිව තිබෙන ඖෂධ සහ වෛද්‍ය සැපයුම් හිඟය මග හරවා ගැනීම සඳහා ලෝක සෞඛ්‍ය සංවිධානය මැදිහත් විය හැක්කේ කෙසේද යන්න සහ ශ්‍රී ලංකාවේ ප්‍රාථමික සෞඛ්‍ය සේවා පවත්වා ගෙන යාම සඳහා උදව් වන්නේ කෙසේද යන්න පිළිබඳව මෙහිදී සාකච්ඡා කර ඇත.
