(රන්ජන් කටුගම්පොල සහ නිමන්ති රණසිංහ)
බුද්ධි තොරතුරු ලැබී තිබියදීත් පාස්කු ඉරුදින ප්රහාරය මැඩ පැවැත්වීමට කටයුතු නොකිරීමෙන් මූලික අයිතිවාසිකම් කඩ කළැයි චෝදනා කරමින් හිටපු ජනාධිපති මෛත්රීපාල සිරිසේන, හිටපු පොලිස්පති පූජිත් ජයසුන්දර, හිටපු ආරක්ෂක ලේකම් හේමසිරි ප්රනාන්දු ඇතුළු පිරිසකට එරෙහිව ගොනුකර ඇති මූලික අයිතිවාසිකම් පෙත්සම් විභාගයට ගැනීම සත්පුද්ගල විනිසුරු මඩුල්ලක් හමුවේ අද (14) ඇරැඹිණී.
මෙම පෙත්සම් අගවිනිසුරු ජයන්ත ජයසූරිය, බුවනෙක අලුවිහාරේ, ප්රියන්ත ජයවර්ධන, එල්. ටී. බී. දෙහිදෙණීය, මෘදු ප්රනාන්දු, එස්. තුරෙයි රාජා සහ ගාමිණී අමරසේකර යන මහත්ම මහත්මීන්ගෙන් සමන්විත අභියාචනාධිකරණ විනිසුරු මඩුල්ලක් හමුවේ අද (14) විභාගයට ගැණීනි.
අභියාචනාධිකරණය හමුවේ මෙම පෙත්සම් ගොනුකරනු ලැබ තිබුණේ, ශ්රි ලංකා නිතීඥ සංගමය, පාස්කු ඉරිදා ත්රස්ත ප්රහාරයෙන් වින්දියන් වන තුවාල ලැබූ සහ මියගිය අයගේ ඥාතීන්, තකෝලික පියතුමන්ලා ඇතුළු පාර්ශ්ව 12ක් විසිනි.
මෙම පෙත්සම්වල වගඋත්තරකරුවන් ලෙස නම්කර ඇත්තේ, හිටපු ජනාධිපති මෛත්රීපාල සිරිසේන, හිටපු අගමැති රනිල් වික්රමසිංහ, එවකට කැබිනට් මණ්ඩලය, හිටපු ආරක්ෂක ලේකම් හේමසිරි ප්රනාන්දු, හිටපු පොලිස්පති පූජිත් ජයසුන්දර, රාජ්ය බුද්ධි සේවයේ හිටපු ප්රධානී නිලන්ත ජයවර්ධන, හිටපු ජාතික බුද්ධි ප්රධානී සිසිර මෙන්ඩිස් ඇතු`ථ පිරිසක් නම් කරනු ලැබ සිටිති.
