(සුජිත් හේවාජුලිගේ සහ අංජුල මහික වීරරත්න)
නීතිඥ චමින්ද කුලරත්න මහතා පාර්ලිමේන්තුවේ නියෝජ්ය මහලේකම් සහ කාර්ය මණ්ඩල ප්රධානී ලෙස පාර්ලිමේන්තු මහලේකම් නීතිඥ කුෂානි රෝහණදීර මහත්මිය විසින් අද (15) පත් කරනු ලැබීය.
පාලිමේන්තුව නියෝජ්ය මහලේකම් සහ කාර්යමණ්ඩල ප්රධානී තනතුරේ කටයුතු කළ රෝහණදීර මහත්මිය පාර්ලිමේන්තු මහ ලේකම්වරිය වශයෙන් පත්වීම හේතුවෙන් එම තනතුරු පුරප්පාඩුවිය.
හිටපු ජනාධිපති ගෝඨාභය රාජපක්ෂ මහතාගේ අතිරේක ලේකම්වරයකුවූ කුලරත්න මහතා අග්රාමාත්ය හිටපු ලේකම්, ආණ්ඩු පක්ෂ ප්රධාන සංවිධායක ලේකම් තනතුර ඇතුළු තවත් ඉහළ තනතුරු රැසකද කටයුතු කළේය.
මෙයට අමතරව ලන්ඩන් ශ්රී ලංකා මහ කොමසාරිස් කාර්යාලයේ අමාත්ය උපදේශකවරයා ලෙසද කටයුතු කර ඇති කුලරත්න මහතා වසර එකසිය විස්සකට වැඩි පැරණි තානාපති සේවා නිලධාරීන්ගේ සංගමයේ උප සභාපති ධූරයට පත් ප්රථම දකුණු ආසියාතිකයාද වන්නේය.
රුවන්වැල්ල රාජසිංහ මධ්ය මහා විද්යාලයේ ආදි ශිෂ්යයකු වන චමින්ද ගුණරත්න කොළඹ විශ්වවිද්යාලයේ සහ එක්සත් රාජධානියේ බකිංහැම්ෂයර් විශ්ව විද්යාලයේ ව්යාපාර කළමනාකරණය හා පරිපාලනය පිළිබඳ පශ්චාත් උපාධිධරයෙක්ද වෙයි.
