(නිමල් ජයරත්න)
මඩකලපුව සිට මහව දක්වා ධාවනය වූ බඩු දුම්රියක වැලිකන්ද රුවන්පිටිය ප්‍රදේශයේදී අද සවස ගැටුණු කෙනෙරක අනතුරින් පැයකට පමණ පසු මියගිය බව වැලිකන්ද වනජීවි නිලධාරීහු සඳහන් කරති.
දුම්රියේ ගැටුණු කෙනෙර දුම්රිය මාර්ගය අසල පැයක් පමණ කාලයක් දැඩි වේදනාවෙන් යුතුව හිටගෙන සිට ඇති අතර එකවරම මියගොස් ඇදවැටුණු බව ප්‍රදේශවාසීහු පැවැසූය.
දුම්රියේ ගැටී විසිවූ කෙනෙර මීටර් කීපයක් ඇවිද ගොස් හිටගෙන සිටි බව සිද්ධිය ඇසින් දුරට අයෙක් ප්‍රකාශ කළෙය. ඒ සම්බන්ධයෙන් වනජීවිය දැනුවත් කිරීමෙන් අනතුරු කෙටි කාලයකදී වනජීවි නිලධාරින් කෙනෙරට ප්‍රතිකාර ඇරැඹුව ද කෙනෙරගේ ජීවිතය බේරා ගැනීමට නොහැකි වී ඇත.
වන අලියා උසින් අඩි 8 ක් සහ වයසින් අවුරුදු 35 ත් 40 අතර පමණ වන කෙනෙරක බව වනජීවි නිලධාරීහු සදහන් කළහ.ෙ
