(අංජුල මහික වීරරත්න)

එක්සත් ජාතික පක්ෂයේ 76 වෙනි සංවත්සර සැමරුම නිමිත්තෙන් සියලු ආගම් සිහිකරමින් ස්ථාන පහකදී හෙට(4) සර්ව ආගමික වතාවත් සිදුකරන බව එජාප නියෝජ්‍ය නායක ජනාධිපති ජ්‍යෙෂ්ඨ උපදේශක රුවන් විජයවර්ධන මහතා පැවසීය.

කොල්ලුපිටිය වාලුකා රාමය,කොච්චිකඩේ ශිවම් කෝවිල ,කොච්චිකඩේ ශාන්ත අන්තෝනි දේවස්ථානය,කොළඹ දවට ගහ පල්ලිය සහ හුණුපිටිය ගංගාරාම විහාරස්ථානයේදී මෙම ආගමික වතාවත් පැවැත්වෙයි.

නියෝජ්‍ය නායක රුවන් විජයවර්ධන,සභාපති වජිර අබේවර්ධන,ජාතික සංවිධායක සාගල රත්නායක ,මහ ලේකම් පාලිත රංගේ බණ්ඩාර,උප නායක අකිල විරාජ් කාරියවසම්, ලක්වනිත සභාපතිනී ශාන්තිනි කෝන්ගහගේ මහත්ම මහත්මීහු මෙම අවස්ථාවන්ට සහභාගී වෙති.

එක්සත් ජාතික පක්ෂයේ 76 වන සංවත්සරය සැප්තැම්බර් 6 වෙනිදාට යෙදී ඇත.