අමාත්ය සජිත් ප්රේමදාස මහතාගේ මූලිකත්වයෙන් සිනමා කර්මාන්තය සම්බන්ධයෙන් ඇති වූ සාකච්ඡා මේ වනවිට අනපේක්ෂිත ලෙස නැවතී තිබේ.
විෂය බාර අමාත්යවරයා වන සජිත් ප්රේමදාස මහතා සහ සිනමා කර්මාන්තයේ ප්රධාන පාර්ශවවල මූලිකත්වයෙන් ඇති වූ සාකච්ඡා හේතුවෙන් කඩා වැටෙමින් තිබෙන කර්මාන්තයට යම් බලාපොරොත්තුවක් ඇති විය.
එහෙත් බෙදාහැරීම සම්බන්ධයෙන් ඇති වූ අර්බුදයක් මුල් කරගෙන මේ වනවිට ආරම්භ වූ එම සාකච්ඡා නැවැතී තිබේ.
චිත්රපට බෙදාහැරීම පෞද්ගලික මණ්ඩලයක් විසින් කරගෙන යනු ලැබුණු අතර පසුගිය ආණ්ඩුවේ විෂයභාර අමාත්යවරයා වූ ආචාර්ය විජයදාස රාජපක්ෂ මහතා චිත්රපට බෙදාහැරීම ජාතික චිත්රපට සංස්ථාව වෙත පැවැරීය.
අමාත්යවරයාගේ එම තීරණයෙන් පසු පෞද්ගලික මණ්ඩලය නීති උපදෙස් පැතූ අතර අධිකරණය අමාත්යවරයාගේ එම තීරණයට එරෙහිව වාරණ නියෝගයක් පැනවීය. සති කිහිපයකට පසු වාරණ නියෝගය ඉවත් කරනතුරු පෞද්ගලික මණ්ඩලය චිත්රපට බෙදාහැරීමේ කටයුත්ත කරගෙන ගියේය.
සිනමාහල් හිමියන්ගේ සහයෝගය ද ඇතිව චිත්රපට බෙදාහැරීම කඩිනමින් තමන් යටතට ගැනීමට ජාතික චිත්රපට සංස්ථාව පියවර ගත්තේය. එහෙත් විවිධ හේතු දක්වමින් ප්රධාන පෙළේ පිරිසක් ඊට එරෙහි වූහ. ජාතික චිත්රපට සංස්ථාවට එවැනි ප්රධාන මෙහෙයුමක් කළ නොහැකි යැයි ඇතැම් පිරිසක් කීහ. ජාතික චිත්රපට සංස්ථාවට අයත් රිත්මා මණ්ඩලය සම්බන්ධයෙන් ද ඔවුහු එහිදි සිහිපත් කළහ.
ජාතික චිත්රපට සංස්ථාව මගින් චිත්රපට බෙදාහැරීමෙන් තවදුරටත් වංචා හා අවකළමනාකරණයට ඉඩ සැලසෙන බවත් චිත්රපට සංස්ථාවට චිත්රපට බෙදාහැරීම සම්බන්ධයෙන් යෝග්ය හා විනිවිද මාර්ගෝපදේශන සහිත ක්රියාවලියක් නැති බවටත් එම පිරිස් චෝදනා කරති. මේ වසරේදී චිත්රපටයක් කුලියට ගැනීම සම්බන්ධයෙන් ජාතික චිත්රපට සංස්ථාව සිනමා මණ්ඩලවලට මිලියන ගණනක් ණය ය.
ඊට අමතරව සිනමාහල් හිමියන්ට මණ්ඩලවලට මිලියන ගණනක් මුදල් ගෙවීමට සිදුව ඇත. සිනමා මණ්ඩල ද එකිනෙකාට මුදල් ගෙවිය යුතුව ඇත. මේ වනවිට අර්බුදය උග්ර වී ඇත. මේ රුපියල් මිලියන ගණනක මුදල්වලට වගකිව යුත්තේ කවුදැයි ප්රශ්නයක් අප හමුවේ ඇත.
ඉක්මන් තීරණ ගැනීමට පෙර මෙම මූල්ය අර්බුද විසඳා ගැනීමට නම් ජාතික චිත්රපට සංස්ථාව වසර ගණනාවක් මුළුල්ලේ චිත්රපට බෙදා හැරීම සිදුකළ සිනමා මණ්ඩලවලට මාස කිහිපයක සහන කාලයක් ලබාදිය යුතුය.
ඩේලිමිරර් ඇසුරිනි
055
