(ඩයනා උදයංගනී)
පළාත් කිහිපයකට අද (3) දිනයේත් වැසි ඇතිවන බව කාලගුණ විද්යා දෙපාර්තමේන්තුව පවසයි.
ඒ අනුව බස්නාහිර, සබරගමුව සහ දකුණු පළාත්වලත්, මහනුවර සහ නුවරඑළිය දිස්ත්රික්කවලත් විටින් විට වැසි ඇතිවන බව කාලගුණ විද්යා දෙපාර්තමේන්තුව සඳහන් කරයි.
ඇතැම් ස්ථානවලට මිලිමීටර් 50 ට වැඩි තරමක තද වැසි ඇතිවන බව ද කාලගුණ විද්යා දෙපාර්තමේන්තුවේ ප්රකාශකයෙක් පැවසීය.
ඌව සහ නැගෙනහිර පළාත්වලත්, මුලතිව් සහ වව්නියාව දිස්ත්රික්කවලත් ඇතැම් ස්ථාන ස්වල්පයක සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවන බවද ඔහු කීවේය.
ගිගුරුම් සහිත වැසි සමඟ තාවකාලික තද සුළං ද ඇතිවිය හැකි බැවින් ජනතාව අනතුරු වළක්වා ගැනීමට පියවර ගත යුතු බව ද එම ප්රකාශකයා සඳහන් කළේය.
