(අංජුල මහික වීරරත්න සහ සුජිත් හේවාජුලිගේ)
2024 පළමු කාර්තුවේ දී ජනාධිපති පාර්ලිමේන්තුව විසුරුවන බවට තමාට විශ්වාසයක් ඇතැයි සමගි ජන බලවේගයේ කුරුණෑගල දිස්ත්රික් මන්ත්රී නලින් බණ්ඩාර මහතා පාර්ලිමේන්තුවේදී පැවසීය.
නියමිත වසර 5 පිරෙන තුරු පාර්ලිමේන්තුව විසුරුවන්නේ නැතැයි ජනාධිපතිවරයා පොහොට්ටුවට පොරොන්දුවක් ලබා දී ඇතත් ඔහුගේ ඒ පොරොන්දු ගැන විශ්වාසයක් තැබිය නොහැකි බව ද බණ්ඩාර මහතා සඳහන් කළේය.
මේ පාර්ලිමේන්තුව සමග ජනපතිට ඉදිරියට යාමට බැරි බව ද නලින් බණ්ඩාර මහතා සඳහන් කළේය.
රටේ ආර්ථිකය බංකොලොත් වීමේ වැරැද්දට ශ්රේෂ්ඨාධිකරණය විසින් වරද පැවරූ මහින්ද මහින්ද රාජපක්ෂ සහ ගෝඨාභය රාජපක්ෂ මහත්වරුන්ගේ වැය ශීර්ෂ ඉවත් කරන්නැයි ද ඔවුන් රටේ ජනතාවගේ බදු මුදලින් පෝෂණය කළ යුතු නැතැයි ද නලින් බණ්ඩාර මහතා සඳහන් කළේය.
