ශ්‍රී ලාංකික සිංහල සිනමාවේ හැත්තෑව හා අසුව දශකයේ ජනප‍්‍රියව සිටි නළු නිලි යුවලකි ස්ටැන්ලි පෙරේරා හා ගර්ලි ගුණවර්ධන. ඔවුන්ගේ දෙටු දියණිය 90 දශකයේ ලාංකික සිනමාවේ කාගෙත් ආදරය දිනාගත් ප‍්‍රසිද්ධ දක්ෂ නිළියක් වුවාය.
ඇය සබීතා පෙරේරාය. එදවස තිරගත වු පොඩි විජේ චිත‍්‍රපටයේ රඟපෑමෙන් හොදම නිළිය ලෙස සම්මාන ලත් ඇය ජනප‍්‍රිය චිත‍්‍රපටියක් වූ තිස්ස අබේසේකරයන්ගේ සිසිල ගිනිගනී හී ප‍්‍රතිභාපූර්ණ චරිතයකට පණ දුන්නාය.
‘පිටගම් කාරයෝ’ ටෙලි නාට්‍යයේ හොඳම සහාය නිළිය ලෙස සම්මාන ලැබු ඇය සිංහල චිත්රපට ගනනාවක් ඇතුලූව පකිස්ථානු චිත්රපට 17ක් ද දෙමළ චිත්රපට දෙකක්ද හා ඉංග‍්‍රීසි චිත්‍රපටයක්ද රඟපෑවාය.
ඇය පසුගියදා යුරෝපයේ සංචාරයක නිරත වූ අතරතුර ප‍්‍රංශයේ පැරිස් නුවරදී එසැණ සමග මෙසේ සාකච්ඡෘවකට එක්වුවාය.
ප‍්‍රශ්නය
90 දශකයේදි ඔබ ශ්‍රී ලංකාවේ සිනමා ක්‍ෂේත‍්‍රයේ ජනප‍්‍රිය කාගෙත් ආදරය දිනාගත් නිළියක් . ඒත් අද ඔබ සිනමාවේ නැති කරම්?
පිලිතුර:
ඒක ඇත්ත. මම විවාහා වුවාට පසු පවුල් ජීවිතයට ප‍්‍රමුඛ ස්ථානය දුන්නා. ඒ වගේම දරුවගේ අධ්‍යාපන කටයුතු මගේ කාලයෙන් වැඩි කොටසක් වෙන් කළා. එම නිසා සිනමා ක්‍ෂේත‍්‍රයේ රැඳී සිටීමේ කාලය සීමාවුණා.
එනමුදු කලාවටත්, සිනමාටත් මම දැඩි ලෙස ආදරය කරන කෙනකු ලෙස රඟපෑම තවමත් අත හැර නැහැ. මගේ සිනමා ජීවිතයේදි පකිස්තාන, දෙමළ, ඉංග‍්‍රීසි චිත්රපට රාශියකට දායක වුණා. හොඳම හා ජනප‍්‍රිය නිළිය ලෙස සම්මාන ලැබුණා. මෙම සියලූදේ මගේ සිනමා දිවියේ සිහිවටන. ඉදිරියේදිත් මගේ රැඟපෑම් දැක ගැනීමට ලැබේවී.
ප‍්‍රශ්නය
ප‍්‍රංශයේ පැරිස් අගනුවර ලෝකයේ කලාගාරය ලෙස හදුන්වනවා. ලොව සුප‍්‍රසිද්ධ අන්තර් ජාතික සිනමා උළෙල අතරට ප‍්‍රංශයේ කෑන්ස් හා ඩෝවිල් සිනමා උළෙල අයත් වෙනවා. එබැවින් ලෝක ප‍්‍රකට නළු නිළියන් නිතරම සැරි සරන නගරයක් පැරීසිය. ඔබද ඒ අතරට පැමිණ සිටිනවා.
පිලිතුර
ප‍්‍රංශයත් විශේෂයෙන් පැරීසිය ලෝක සාහිත්‍ය, සිනමාව, නාට්‍ය ආදි ලෙස කලාවෙන් පෝෂණය වූ රටක් . එම රටට පැමිනීමත් හා දැක ගැනීමට ලැබීමත් නිළියක් ලෙස එක්තරා වාසනාවක් මින් පෙර වර්ෂයක මම ප‍්‍රංශයට පැමිනි අවස්ථාවක ලෝක ප‍්‍රසිද්ධ කෑන්ස් සිනමා උළෙල පැවැත්වෙන රංඟ ශාලාව බලන්න ගියා. එහි ඉදිරියේ අතුරා ඇති රතු පලස මත සිට මම ඡායාරූපත් ගත්තා. ඇත්තටම එවිට දැණුන සතුට නිළියක් ලෙස කියා නිම කරන්න බැහැ. එය මගේ සිනමා ජීවිතයේ එක්තරා සිහිවටනයක් වුණා. මෙවරත් මම ප‍්‍රංශයේ බොහෝ දේ නැරඹුවා. ඒ සදහා අපට උදව් කළ නීල්, රමාලි හෙට්ටිආරච්චි මිතුරන්ට මගේ ස්තුතිය පිරිනමනවා.
ප‍්‍රශ්නය
ප‍්‍රංශය යනු කතෝලික භක්තිකයන් වැඩි ප‍්‍රතිශතයකට හිමිකම් ඇති ලෝකයේ සියලූම ආගම් අදහන ජාතීන් ජීවත් වෙන රටක්. එමෙන්ම බහු ආගමික වුවද බහුතර කතෝලික බලපෑමක් වෙනත් ජාතීන්ට ඇති නොකරන සමාජීය ලෙස බොහෝ සාමකාමි රටක්. එනමුදු මුළු ලෝකයම පිලිගන්නා නිර්මල දර්ශනයක් වු බුදු දහම අදහන වැඩි ජනතාවක් ජීවත් වෙන ශ්‍රී ලංකාවේ මෙවැනි ආගමික හා සමාජ සාමකාමි පරිසරයක් තිබේද?
පිලිතුර
අවුරුදු තිහක යුද්ධයක් පැවැති රටක් එක් වරම තිබු තත්වයට ගොඩ ගන්න හරි අමාරුයි. මිනිසුන්ගේ සිතුම් පැතුම්, ජීවන රටාව, පරිසරය ආදි ලෙස ගොඩක් දේවල් ඉහත කාලය තුල උඩු යටිකුරු වුනා. එවැනි රටක් එක රැයකින් ගොඩ ගැනීම හිතන තරම් පහසු නොවේ.
නමුත් ඉදිරියේදි අපේ රට යහපත් සිතුම් පැතුම් වලින් පිරි රටක් බවට පත්වේවි. මගේ බලාපොරොත්තුව එයයි.
.jpg)
