මූණු මාරුවකින් ජනතා අපේක්ෂාවන් ඉටු කරගැනීමට සිතීම උඳු වපුරා තල නෙලීමට බලාපොරොත්තු වීමක් වැනි යැයි පෙරටුගාමී සමාජවාදී පක්ෂයේ නායක කුමාර් ගුණරත්නම් මාධ්ය නිවේදනයක් නිකුත් කරමින් කියයි.
සිංගප්පූරු ජාතික අර්ජුන් මහේන්ද්රන්ට එක් දිනක් තුළ පුරවැසිභාවය ලබාදුන් අමාත්ය ජෝන් අමරතුංග මහතා තමාගේ අයදුම්පතට මෙතෙක් ප්රතිචාර දක්වා නොමැති බවද ඔහු පවසයි.
රනිල් - මෛත්රී පාලනය පැවසූ ආකාරයට හොරුන්ට, දූෂිතයන්ට, මත්ද්රව්ය ජාවාරම්කරුවන්ට හා ඒවායේ මහ මොළකරුවන්වූ දේශපාළුවන්ට එරෙහිව කිසිදු ක්රියාමාර්ගයක් මෙතෙක් ගැනීමට සමත් වී නැතැයි විධායක ජනාධිපති ක්රමය මුළුමනින්ම අහෝසි කිරීම පිළිබඳ සංවාදය බොඳවී ගොස් එය සංශෝධනය කිරීම දක්වා පසුපසට ගොස් ඇතැයිද ඔහු එම නිවේදනයේ දක්වයි.
‘‘2012 අප්රේල් මස 7 වැනිදා රාජපක්ෂ පාලනය විසින් මා පැහැරගෙන ගොස් ඝාතනය කිරීමට උත්සාහ කළ අවස්ථාවේ ජාතික හා ජාත්යන්තර වශයෙන් ආණ්ඩුව වෙත එල්ලවූ තෙරපුම නොවන්නට මේ වන විට මාද අතුරුදන්වූවන්ගේ ලැයිස්තුවේ නමක් වන්නට නියමිතව තිබුණි‘‘ යනුවෙන්ද ඔහු එහි සඳහන් කරයි.
බහුතර ජනතාවගේ ආර්ථික නිදහසත් සැබෑ ප්රජාතන්ත්රවාදයත් දිනාගැනීම සඳහා දේශපාලනය සිදුකරන්නන් හට ඒ සඳහා ඇති අයිතිය උදුරාගැනීමට ඉඩදී නිහඬව බලා සිටීමට ජනතාව සූදානම් නැති බවත් ජනතා ප්රශ්නවලට සැබෑ විසඳුම් සොයාගත හැක්කේ දෙමළ, සිංහල, මුස්ලිම් ජනතාවගේ සංවිධානාත්මක අරගලයකින් පමණක් බවත් පීඩිත ජනයාට ඒ සඳහා ඇරයුම් කරන බවත් ඔහු එම නිවේදනයෙන් වැඩිදුරටත් කියා සිටී.
