සියම් නිකායේ අස්ගිරි පාර්ශවය ගාලූ දිසාවේ ප‍්‍රධාන සංඝනායක මිගෙට්ටුවත්තේ සුමිත්ත හිමියන් ගේ තනතුර අත්හිටැවූ බව අස්ගිරි ලේඛකාධිකාරී ආනමඩුවේ ධම්මදස්සි හිමියෝ නිවේදනයක් නිකුත් කරමින් කියති. රහස් පොලිසියේ දැනුම්දීමද, ඒ හිමියන් ගැන පුවත්පත්හි පළවූ වාර්තා ද සැලැකිල්ලට ගනිමින් උඩුගම බුද්ධරක්ඛිත අසිගිරි මහානාහිමියන් ප‍්‍රමුඛ අස්ගිරි කාරක සංඝ සභාව ඒකමතිකව මේ තීරණයට එළැඹි බව නිවේදනය කියයි. සුමිත්ත හිමි අපරාධ රැසක් සම්බන්ධයෙන් සැක පිට රිමාන්ඞ් කරනු ලැබි සිටියි.