(රංජිත් රාජපක්ෂ)
නුවරඑළිය සිට හැටන් දක්වා ධාවනය වු ටිපර් රථයකට නානුඔය නගරයේ කහඉරක් මතදී පාර මාරුවු පාසල් දැරියක ගැටී මියගොස් ඇතැයි නානුඔය පොලිසිය කියයි.
නානුඔය හැටන් ප්රධාන මාර්ගයේ නානුඔය දුම්රිය පාලම අසලදී සිදූවූ මෙම අනතුරෙන් පසු ප්රදේශවාසින් එක්ව ටිපර් රථයට ගිනි තැබිම හේතුවෙන් එම මාර්ගයේ ගමනා ගමනය සම්පුර්ණයෙන්ම ඇණහිට තිබූ බව නානුඔය පොලිසිය පවසයි.
ටිපර් රථයේ රියදුරා පොලිසිය මගින් අත්අඩංගුවට ගෙන ඇති අතර පොලිසිය හා ප්රදේශවාසීන් අතර දැඩි උණුසුම් තත්ත්වයක් ද මතු වී තිබේ. පොලිසිය එම තත්ත්වය පාලනය කර ඇති අතර එම මාර්ගයේ ගමනා ගමන කටයුතු මේ වන විට යථා තත්ත්වයට පත්වී තිබේ.
