ඓතිහාසික සිතුල්පව්ව පූජා භූමියට අයත් ආකාස චෛත්‍යයයේ ධාතු ගර්භය ද වීරකැටියේ පීල්ලවල පුරාණ ටැම්පිට විහාරයේ පිළිම වලට ද නිදන් හොරු හානිකැර ඇතැයි පුරාවිද්‍යා දෙපාර්තමේන්තුව කියයි. ආකාස චෛත්‍යය යාල වනෝද්‍යානයේ පලටුපාන වැව ආසන්නයේ පිහිටා ඇත. එහි ධාතු ඝර්භයේ අඩි දෙකක් පමණ කාණුවක් හාරා තිබේ. පීල්ලවල විහාරයේ හඳි පිළිමයේ සිරස කඩා දමා තැන තැන හාරා ඇත. එහි තිබූ විෂ්ණු දෙවි පිළිමයකට ද සිරිපතුල් ගලකට හානිකළ නිදන්හොරු චෛත්‍යෙය් හතරැස් කොටුව ද හාරා තිබේ. පුරාවිද්‍යා දෙපාර්තමේන්තුවේ දකුණු පළාත් සහකාර අධ්‍යක්ෂිකා වසන්ති අලහකෝන් මහත්මිය කියා සිටියේ සිදුව ඇති හානිය විශාල බවයි.