බලපිටිය රේවත විද්‍යාලයීය ආදි ශිෂ්‍ය සංගමය විසින් ප‍්‍රථම වරට සංවිධානය කරනු ලැබූ ආරාධිත පාසල් සය සමාජික කි‍්‍රකට් තරගාවලියේ ශූරතාව දිනා ගැනීමට කොළඹ ශානත පීතර විද්‍යාලය සමත් විය. අවසන් මහා තරගයේදී කරන්දෙණිය මහ විදුහල පරදා ශාන්ත පීතර විද්‍යාලය ලකුණු 55ක විශිෂ්ට ජයක් ලබා ගත්තේය. මෙම තරගාවලිය පසුගිය සති අන්තයේදී බලපිටිය ගුරු විදුහල් පිටියේදී පැවැත්විණ. තරගාවලිය සඳහා කණ්ඩායම් 24ක් සහභාගි වූහ. තරගාවලියේ ශූරතාව හිමි කරගත් ශාන්ත පීතර විද්‍යාල කණ්ඩායමට රුපියල් 50,000ක මුදල් ත්‍යාගයක් පිරිනමන ලද අතර අනු ශූරතාව හිමි කරගත් කරන්දෙණිය විදුහල් කණ්ඩායමට රුපියල් 30,000ක මුදල් ත්‍යාගයක්ද ප‍්‍රදානය කෙරිණ. අම්බලන්ගොඩ ශී‍්‍ර දේවානන්ද විද්‍යාලයේ ඉමේෂ් උදයංග තරගාවලියේ දක්‍ෂතම පිතිකරුවා ලෙස සම්මාන දිනා ගත් අතර ශාන්ත පීතර විද්‍යාලයේ දුෂාන් හේමන්ත සහ කරන්දෙණිය විද්‍යාලයේ නදුන් තරංග දක්‍ෂතම පන්දු යවන්නා සහ දක්‍ෂතම පන්දු රකින්නා ලෙස සම්මාන දිනාගත්හ. කරන්දෙණිය විද්‍යාලයේ පී. තනූජ් තරගාවලියේ වීරයාට හිමි සම්මානය හිමි කර ගත්තේය. අවසන් පූර්ව වටයේදී ශාන්ත පීතර විද්‍යාලය (5/70) විසින් අම්බලන්ගොඩ ධර්මාශෝක විද්‍යාලයද (3/61) කරන්දෙණිය මධ්‍ය මහා විද්‍යාලය (1/30) විසින් පානදුර රාජකීය විද්‍යාලයද (26) පරාජය කරන ලදි. අවසන් තරගගේ ලකුණු විස්තරය සැකෙවින් පීතර විද්‍යාලය  ඕවර 5කදී කඩුලූ 2ක් දැවී ලකුණු 107  (ජනිත් ලියනගේ 24, ලහිරු මිලන්ත නොදැවී 38) කරන්දෙණිය මහා විදුහල  ඕවර 5කදී කඩුලූ 4ක් දැවී ලකුණු 52 (යොහාන් චානුක 23)