පොසොන් උත්සවය නිමිත්තෙන් කොළඹ නගරය ආශ්‍රීත ස්ථාන බොහෝමයක දන්සල් බොහෝවිය. කිරිබත්ගොඩ මාකොල පාරේ දුල්ෂාන් පෞද්ගලික ආයතනය බත් දන්සැලක් හා පළතුරු දන්සැලක් පැවැත්වීය. 12 වැනි වරටත් පැවැත් වූ එහි ව්‍යාංජන 12 කින් සමන්විත බත් දන්සලක්ද, පළතුරු වර්ග 12 ක පළතුරු දන්සැලක්ද රස වර්ග කීපයකින් සමන්විත අයිස්ක‍්‍රීම් දන්සලක්ද විය. ජ්‍යෙෂ්ඨ අමාත්‍ය ඒ.එච්.එම්.ෆවුසි, නියෝජ්‍ය අමාත්‍ය ඩුලිප් විජේසේකර යන මහත්වරු දන්සැල විවෘත කිරීමට පැමිණියහ. දුල්ෂාන් ෆැෂන් ආයතනයේ අධිපති කරුණා කොඩිතුවක්කු මහතා පැවැසුවේ මෙය තමන්ගේ පෞද්ගලික වියදමෙන් සිදු කරන බවයි. මේ සඳහා රුපියල් ලක්‍ෂ පනහකට වඩා මුදලක් වැය වූවත් ඉන් ලබන සතුට මුදලට වඩා වටිනා බවත්ය.