(තරිඳු ජයවර්ධන හා හර්ෂණ තුෂාර සිල්වා)
නිල්වලා ගංඟා ද්රෝණිය අවට ප්රදේශ අවට දැඩි ගංවතුර අවදානම් තත්ත්වයක් උද්ගතව ඇතැයි වාර්තා වේ. නිල්වල ගංඟාවේ ඉවුරු කඩාගෙන යෑමේ තත්ත්වයක් උද්ගත ව ඇති හෙයින් ආරක්ෂිත ස්ථානවලට බලධාරීහූ ප්රදේශවාසීන්ගෙන් ඉල්ලා සිටිති.
ගංඟාවේ ඉවුරු කඩාගෙන යෑමත් ගංවතුර ආරක්ෂිත බැම්ම කඩා ගෙන යෑමත් නිසා මෙම තත්ත්වය උද්ගත වී තිබේ.
ඒ අනුව ගොඩගම, හිත්තටිය, තුඩාව, මාලිම්බඩ, සිරිපානාගොඩ, මාදුරුදූව, පරහත්ගොඩ, කද්දූව යන නිල්වලා ගංඟවේ පහළ ද්රෝණිය ආසන්න හා ඒ අවට ප්රදේශවල සිටින ජනතාවට හැකි ඉක්මනින් ආරක්ෂිත ස්ථානවෙත යන්නැයි උපදෙස් දී තිබේ.
ජල මට්ටම ඉහළ යන්නේ ද නැද්ද දෙස නොබලා හැකිතාක් ඉක්මනින් ආරක්ෂිත ස්ථාන වෙත යන්නැයි ද සවස් වරුට වඩා මේ වනවිට ජල මට්ටම ඉහළ ගොස් ඇතැයි ද වාර්තා වේ.
