බලපත්ර නොමැතිව නීති විරෝධි ලෙස මුලතිව් මහ වන මැද සිට වැලි ප්රවාහනය කරමින් තිබූ මන්නාරම කොට්ඨාසයේ පොලිස් ස්ථානාධිපතිවරයකුගේ බිරිඳකට අයත් ටිපර් රථයක් ඇතුළු වැලි පැටවු ට්රැක්ටර් 5 ක් අත්අඩංගුවට ගෙන අධිකරණයට ඉදිරිපත් කළ මන්නාරම කොට්ඨාස දූෂණ මර්දන ඒකකය විසිරුවා ඇතැයි පොලිස් ආරංචි කියයි.
එහි සේවය කළ පොලිස් පරීකෂකවරයෙක් , සැරයන්වරයෙක් හා කොස්තාපල්වරු පස්දෙනෙක් මෙලෙස ඔවුන් කලින් සේවය කළ ස්ථානවලටම අනියුක්ත කරනු ලැබූහ.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරී අජිත් රෝහණ මහතා පැවසුවේ එම වැටලීම සහ දූෂණ මර්දන අංශය විසිරුවා හැරීම අතර සම්බන්ධයක් නැති බවයි.
ස්ථානාධිපතිගේ බිරියකගේ වාහන සම්බන්ධ සිද්ධිය ගැන විමර්ශන කරන බවත්, දූෂණ මර්දන අංශය විසිරුවා හැරියේ එම අංශය ගැන ලැබුණු පැමිණිලි මත බවට ප්රදේශයේ උසස් පොලිස් නිලධාරීන් සඳහන් කරන බවත් මාධ්ය ප්රකාශක පැවසීය.
එක් එක් පොලිස් ස්ථානවලින් නිලධාරීන් ගෙන එම අංශය පිහිටුවා තිබූ බව ද, පසුගිය දා මන්නාරම කොට්ඨාසයේ පොලිස් ස්ථානාධිපතිවරුන්ගේ රැස්වීමක දී එම විශේෂ ඒකකය ගැන කළ චෝදනා පදනම් කරගෙන නැවත එම නිලධාරීන් කලින් සිටි පොලිස් ස්ථානවලටම අනියුක්ත කර ඇති බව ද හෙතෙම කීවේය.
දීර්ඝ කාලය සිට නීති විරෝධි ලෙස දැව කැපීමේ ජාවාරම් වැලි ගොඩ දැමීම හා ප්රවාහනය කිරීමේ ජාවාරම් නිසා මන්නාරම පොලිස් කොට්ඨාසයේ ඉලූප්පුකඩවායි වෙඩිතලතිව් මඩු , සිලා වතුර යන පොලිස් බලප්රදේශවලින් වාර්තා වූ නිසා ඒවා මර්දනය කිරීමට මෙම ඒකකය පිහිටුවා තිබිණි.
ඉකුත් පෙබරවාරි 25 වන දින අලූයම සිලාවතුර කල්ලාරු මහ වන මැද ඇති කල්ලාරු ඔයේ සිට ගොඩ දැමු වැලි ප්රවාහනය කළ පොලිස් ස්ථානාධපතිගේ බිරිඳට අයත් ටිපර් රථය ඇතුලු තවත් ට්රැක්ටර් 5 වැලි පුරවාගෙන යමින් සිටියදී පොලිස් අත් අඩංගුවට පත්ව ඇත.
මෙහිදි ටිපර් රථයේ රිදුරා පමණක් ප්රාදේශීය ලේකම්වරයකු විසින් නිකුත් කරන ලද වැලි බලපත්රයක් පොලිස් නිලධාරින්ට ලබාදුන්නද ඒ පිලිබදව සැක සිතු පොලිස් නිලධාරින් අදාල ප්රාදේශිය ලේකම් වරයාගෙන් මේ සම්බන්ධව එම කාර්යාලයට ගොස් විමසද්දී ඔහු සඳහන් කර ඇත්තේ පොලිස් ස්ථානාධිපතිගේ ඉල්ලීමට එය ලබා දුන් බවයි.
ව්යජ ලේඛන සකස් කිරීම නිසා පෙබරවාරි 26 වන දින අත් අඩංගුවට ගත් ටිපර් රථය හා ට්රැක්ටර් රථ 5 මන්නාරම මහේස්ත්රාත් වරයා වෙත ඉදිරිපත් කිරීමෙන් පසු ට්රැක්ටර් 5 රියදුරන් වරද පිලිගැනීමෙන් අනතුරුව වැලි තොග රාජසන්තක කර ඔවුන් 5 දෙනාට රුපියල් එක්ලකෂ හැටපන්දහසක දඩ නියම කර තිබේග
ටිපර් රථයේ රියදුරා නිවැරදිකරු යැයි පැවසීමෙන් පසු ඔහු ඇප මත මුදා හැර ලබන අප්රේල් 3 වන දින නැවත අධිකරණයේ පෙනි සිටින ලෙස මහේස්ත්රාත් වරයා නියෝග කර ඇත.
