බෙංගාල බොක්කේ ඇති පීඩන අවපාතයේ බලපෑමෙන් තවදුරටත් දිවයිනේ බොහෝ ප්‍රදේශවලට වැසි ඇතිවේයැයි කාලගුණ විද්‍යා දෙපාර්තමේන්තුව පවසයි. නැගෙනහිර, උතුරු, උතුරුමැද හා වයඹ පළාත් වල තද සුළං සමඟ ඉතා තද වැසි ද දිවයිනේ අනෙක් ප්‍රදේශවල තැන තැන තද වැසිද බලාපොරොත්තුවේ. මෙම පීඩන අවපාතය අද අළුයම 2.00 පමණ වනවිට මුලතිව් වෙරළට නැගෙනහිර දෙසින් කිලෝ මීටර 250 ක් පමණ ඈතින් කේන්ද්‍රගතව තිබූ බවත් එය ගැඹුරු පීඩන අවපාතයක් බවට වර්ධනය වෙමින් එම ස්ථානයේ සිට බටහිර දිශාවට ගමන් කරනු ඇතැයි ද අපේක්ෂිතය. මන්නාරම සිට යාපනය සහ ත්‍රිකුනාමලය හරහා මඩකලපුව දක්වා වන මුහුදු ප්‍රදේශ තද සුළං සහිත රළු ස්වභාවයක් ගන්නා බැවින් ධීවර හා නාවුක කටයුතු වලදී වඩාත් පරෙස්සම් වන ලෙස ද දැනුම් දී තිබේ. මඩකලපුවට ද සැඩ සුළං හමායයි මුහුද ද බෙහෙවින් රළු ස්වභායක් ගෙන ඇත.