විශේෂ මෙහෙයුමේදී බස්නාහිර පළාතේ පොලිස් ස්ථාන වෙත වාර්තා වූ බරපතළ ගණයේ අපරාධ 86 කට සම්බන්ධ සැකකරුවන් 86 ක් අත්අඩංගුවට ගෙන තිබේ.
 
ගතවු  පැය 12 ක  කාලයේදී මෙම පිරිස අත්අඩංගුවට ගෙන ඇත.

එම සැකකරුවන් අතර  ස්ත්‍රී දූෂණ 04 ක් , ගෙවල් බිදුම් 17 ක් , දේපළ සොරකම් 26 ක් , කොල්ලකෑම් 09 ක් , බරපතළ තුවාල සිදුකිරීම් 14 ක් ඇතුළු විවිධ අපරාධ 86 ක සැකකරුවන් අත්අඩංගුවට ගෙන ඇත.

එමෙන්ම වරෙන්තුකරුවන් 291 ක් ද , සුළු අපරාධයන් සදහා අවශ්‍ය සැකකරුවන් 110 ක් ද , විවිධ මත්ද්‍රව්‍ය හා මත්පැන් සම්බන්ධ වැරදි සදහා සැකකරුවන් 388 ක් ද , සැකපිට පුද්ගලයින් 175 ක් ද වශයෙන් අත්අඩංගුවට පත්ව ඇති අතර ඒ අනුව මෙම මෙහෙයුමේදී පුද්ගලයින් 1050 ක් පොලිස් අත්අඩංගුවට පත්ව ඇත.