දෙවැනි එළිසැබෙත් මහා රැජන සිහසුනට පත් වී හැට වසර සැමැරීම නිමිත්තෙන් විශේෂ ආශිර්වාද පූජාවක් ලන්ඩනයේ බර්මින්හැම් විහාරයේ දී පැවැත්විණි. විහාරාධිපති විතාරන්දෙණියේ කස්සප නාහිමියන්ගේ ප්‍රධානත්වයෙන් පැවැති එම පින්කමට විවිධ රටවල බෞද්ධයෝ ද එක්වූහ. මහා සංඝරත්නය පිරිත් දේශනා කැර මහා බ්‍රිතාන්‍යයට හා මහා රැජනට සෙත් පැතූහ. රැජනගේ විශේෂ නියෝජිත ජග්ජිට් ටවුන්ක් ද මේ අවස්ථාවට සහභාගී විය. රැජනට පිරිනැමීම සඳහා බුදු පිළිමවහන්සේ නමක් ඔහුට පරිත්‍යාග කැරිණි.