(ඩයනා උදයංගනී)
සබරගමුව, මධ්යම පළාත්වල අද (7) දිනයේදී විටින් විට වැසි හෝ ගිගුරුම් සහිත වැසි ඇතිවන අතර බස්නාහිර සහ වයඹ පළාත්වලත්, ගාල්ල, මාතර දිස්ත්රික්කවලත් වැසි වාර කිහිපයක් ඇතිවන බව කාලගුණ විද්යා දෙපාර්තමේන්තුව පවසයි.
ඌව පළාතේත් මඩකලපුව සහ අම්පාර දිස්ත්රික්කවලත් ඇතැම් ස්ථානවල සවස් කාලයේ දී හෝ රාත්රී කාලයේදී වැසි හෝ ගිගුරුම් සහිත වැසි ඇතිවන බව එම දෙපාර්තමේන්තුවේ ප්රකාශකයෙක් සඳහන් කළේය.
සෙසු ප්රදේශවල වැසි රහිත කාලගුණයක් පවතින බව ද එම ප්රකාශකයා පැවසීය.
මධ්යම කඳුකරයේ බටහිර බෑවුම් ප්රදේශවලත්, උතුරු, උතුරු මැද සහ වයඹ පළාත්වලත් හම්බන්තොට සහ ත්රිකුණාමලය දිස්ත්රික්කවලත් පැයට කිලෝමීටර 40, 50 පමණ වේගවත් ඇතිවිය හැකි බව ඔහු කීවේය.
ගිගුරුම් සහිත වැසි සමඟ තාවකාලික තද සුළං හා අකුණු අනතුරුද ඇතිවිය හැකි බව එම ප්රකාශකයා පැවසීය.
