(ඉන්දිකා රාමනායක)
මාර්ග ගත ක්රමය ඔස්සේ පාසල් සිසුන්ට ඉගැන්වීමේ කටයුතු කරන ගුරුවරුන්ගේ නාම ලේඛනයක් වට්ස් වටස්ඇප් සමාජ මාධ්ය ගිණුම ඔස්සේ ප්රදර්ශනය කිරීම සහ ගුරුවරුන් කිහිප දෙදෙනකුට තර්ජනය කිරීම සම්බන්ධයෙන් සැකපිට ගුරුවරුන් දෙදෙනකුගෙන් ප්රකාශ සටහන් කරගත් බව පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නීතිඥ නිහාල් තල්දුව මහතා පවසයි.
ඉකුත් අගෝස්තු මස මුල් සතියේ සහ අග සතියේ මේ සම්බන්ධයෙන් පරිගණක අපරාධ විමර්ශන ඒකකයට ලැබුණු පැමිණිලි මත අද (22) අදාල ගුරුවරුන් දෙදෙනා කැඳවා මෙම ප්රකාශ සටහන් කරගත් බව ද හෙතෙම කියා සිටියේය.
මෙම ගුරුවරුන්ට සමාජ මාධ්ය ජාලය ඔස්සේ සහ දුරකථනය ඔස්සේ මෙම තර්ජනය සිදුකර ඇති බවට ද පැමිණිලි ලැබී ඇතැයි හෙතෙම සඳහන් කළේය.
පරිගණක අපරාධ විමර්ශනය මේ සම්බන්ධයෙන් තවදුරටත් විමර්ශන සිදුකරන බව ද පොලිස් මාධ්ය ප්රකාශකවරයා වැඩිදුරටත් කීය.
