(විමුක්ති එස් රුද්‍රිගු)

ඇමෙරිකානු ජනාධිපති ඩොනල්ඩ් ට්‍රම්ප් "එයාර් ෆෝස් වන්" ගුවන් යානය සමග තරඟ කිරීමට හැකියාව තිබෙන රුසියාවේ "ඩූම්ස් ඩේ" ගුවන් යානය ටෙහෙරානයේ ඉමාම් කොමේනි ජාත්‍යන්තර ගුවන්තොටුපළට ගොඩ බැස තිබෙන බව විදෙස් මාධ්‍ය අද (13) නිවේදනය කළේය.

"ඩූම්ස් ඩේ" ගුවන් යානය ටෙහෙරානයට පැමිණීමත් සමග මැද පෙරදිග අර්බුදය ගමන් කරන්නේ කුමන දිශාවට දැයි යන ප්‍රශ්නය මතුකර තිබෙන බවද පැවැසෙයි.

රුසියානු "ඩූම්ස් ඩේ" ගුවන් යානය ලෙස හැඳින්වෙන මෙම ටී.යූ-214පී.යූ වර්ගයේ ගුවන් යානයට, අර්බුදයකදී ගුවනේ සිට අණ දීමට අවස්ථාව ලබා දේ. "ඩූම්ස් ඩේ" ගුවන් යානයට පැයට කිලෝ මීටර 850 ක වේගයකින් පියාසර කිරීමට හැකියාව තිබෙන අතර එක් වරකදී කිලෝ මීටර 6,500 ක දුරක් පියාසර කිරීමට හැකියාව ඇත.