( තිළිණි ද සිල්වා සහ රංජන් කටුගම්පොළ )
කෝවිඞ් 19 වෛරසය ආසාදනය වී මරණයට පත්වන්නන්ගේ සිරුරු ආදාහනය කිරීමෙන් සිය මූලික අයිතිවාසිකම් කඩවන බවත් , වයිරසයෙන් මියගිය අයගේ සිරුරු ආදාහනය කළ යුතු බවට රෙගුලාසි පනවමින් නිකුත් කර ඇති ගැසට් නිවේදනය බල රහිත කරන ලෙස ඉල්ලා මුස්ලිම් දේශපාලන පක්ෂ නායකයින් වන රාවුෆ් හකීම් , රිෂාඞ් බදුද්දීන් ඇතුළු හිටපු පාර්ලිමේන්තු මන්ත්රීවරුන් පිරිසක් , ඉස්ලාම් හා කතෝලික බැතිමතුන් පිරිසක් විසින් ගොනු කළ මූලික අයිතිවාසිකම් පෙත්සම් 12 වැඩිදුර සලකා බැලීම ලබන සැප්තැම්බර් 9 වැනිදා තෙක් කල් තැබීමට ශ්රේෂ්ඨාධිකරණය අද (13) තීන්දු කළේය.
මෙම පෙත්සම ප්රියන්ත ජයවර්ධන සහ යසන්ත කෝදාගොඩ යන මහත්වරුන් ගෙන් යුතු ශ්රේෂ්ඨාධිකරණ විනිසුරු මඩුල්ලක් හමුවේ කැදවූ අතර එහිදී මෙම පෙත්සම් සළකා බැලීම එදිනට කල් තැබිණි.
ශ්රී ලංකා මුස්ලිම් කොංග්රස් නායක රාවුෆ් හකීම් , සමස්ත ලංකා මුස්ලිම් කොංග්රසයේ නායක හා එම පක්ෂයේ හිටපු පාර්ලිමේන්තු මන්ත්රීවරුන් හා හිටපු අමාත්යවරුන් වන රිෂාද් බදුද්දීන් මහතා අබ්දුල්ලා මොහොමඞ් මහරූෆ් ,අමීර් අලි, ඒ.එම්. මහරූප්,හුසේනඅහමඞ් බහිලා යන මහත්වරුන් , කතෝලික හා මුස්ලිම් බැතුහතුන් මෙහි වගඋත්තරකරුවෝ වෙති.
සෞඛ්ය ඇමැතිනීතී පවිත්රා වන්නිආරච්චි, සෞඛ්ය සේවා අධ්යක්ෂ ජෙනරාල් අනිල් ජාසිංහ, සෞඛ්ය අමාත්යංශ ලේකම් ,සහ නීතිපති මෙහි වගඋත්තරකරුවෝ වශයෙන් නම් කරනු ලැබ සිටිති.
කෝවිඞ් වසංගත යට ගොදුරු වී මියගිය අයගේ සිරුරු සම්බන්ධයෙන් කටයුතු කළ යුතු ආකාරය පිළිබඳ සදහන් කරමින් ඉකුත් අපේල මස 11 වැනිදා ගැසට් නිවේදනයක් නිකුත් කර ඇති බව පෙත්සම්කරුවෝ කියා සිටිති .
එසේ තිබියදී මෙරට සිදුවන මරණ සම්බන්ධයෙන් කටයුතු කළ යුතු ආකාරය පිළිබඳ ගැසට් නිවේදනයක් නිකුත් කර එම සිරුරු ආදාහනය කළ යුතු බවට රෙගුලාසි පැනවීම ආණ්ඩුක්රම ව්යවස්ථාව උල්ලංඝනය කිරීමක් බව පෙත්සම් කරු කියයි .
