තඹුත්තේගම කළුන්දෑවේ ධනවත් ව්‍යාපාරිකයකුගේ නිවසකට අද (28)  උදේ බලෙන් ඇතුළු වූ පිරිසක් වාහනයක් පැහැරගෙන යද්දී ව්‍යාපාරිකයා ඔහුගේ රියෙන් ලුහු බැඳ ගිය බව පොලිසියට පැමිණිලි කර ඇත.

රාජාංගන වම් ඉවුර අසළ දී   තමාට කඩුවකින් ගසන්නට තැත් කළ බවත්, ඒ අවස්ථාවේ තම කාරය ඇළට පෙරලී ගිය බවත් ඔහු පොලිසියට කියා ඇත.

ව්‍යාපාරිකයා ද සුළු තුවාල ලැබීය.

කාරය පැහැරගත් පිරිස කොල්ල කල්ලියක් ද, එසේ නැතිනම් වෙනත් පිරිසක් ද යන්න පැහැදිලි නැත.

ව්‍යාපාරිකයා පොලිසියට කියා ඇත්තේ කාරයේ තිබූ රුපියල් ලක්ෂ 35ක් ද, පවුම් 12ක් වූ තමාගේ රත්‍රන් මාලය ද   පැහැරගත් බවයි.