කහවත්ත ප්රාදේශිය සභාවේ විශේෂ මහා සභා රැස්වීමට එක්සත් ජාතික පක්ෂ ආධාරකරුවන් පිරිසක් කඩා වැදීම නිසා රැස්වීම මිනිත්තු 10කට සීමා විය.
එක්සත් ජාතික පක්ෂ ආධාරකරුවකු වන ශාන්ත දොඩම්ගොඩ මහතා ජනපතිවරණ සමයේ මෛත්රිපාල සිරිසේන මහතාගේ වේදිකාවක් ඉදි කරද්දී වෙඩි තබා ඝාතනය කළැයි සැකපිට කහවත්ත ප්රාදේශීය සභාවේ සභාපති වජිර දර්ශන ද සිල්වා රිමාන්ඩ් කරනු ලැබ සිටියි.
එජාප මන්ත්රීවරු තිදෙනා පැවසූයේ තමන් රැස්වීමට පැමිණීමට පෙර උප සභාපති එස්.කේ.ටී.ගමගේ මහතා වැඩබලන සභාපති ලෙස පත් කරගෙන රැස්වීමේ කටයුතු අවසන් කර ඇති බවයි.
ඒ සමගම එජාප ආධාරකරුවෝද විරෝධය පාමින් එහි ඇතුළු වූහ. සභාපති රිමාන්ඩ් බන්ධනාගාර ගත කිරීම නිසා ආණ්ඩු පක්ෂයට හා විපක්ෂයට මන්ත්රීවරුන් හතර දෙනා බැගින් සිටින බව එජාප මන්ත්රීවරුන් කියයි. ඔවුන්ගේ යෝජනාව වූයේ ගැටුම් ඇති නොවීමට නම් විපක්ෂ නායක ශාන්ත ගුරුගේ සභාපති පදවියටද උප සභාපති ලෙස වත්මන් උප සභාපතිවරයාම පත් කර ගත යුතු බවයි.
මේ ගැන ලබන 22 වැනිදා තීරණයක් ගන්නා බව උප සභාපති ගමගේ මහතා කියයි.
