අස්ගිරි මල්වතු මහනාහිමිවරුන් ප‍්‍රමුඛ සියනමක් මහා සංඝරත්නය සෙත් පිරිත් දේශනා කරද්දී කපිලවස්තුපුර සර්වඥධාතු බහාලූ මංජුසාව ඉන්දියා සංස්කෘතික ඇමැතිනි කුමාරි සෙල්ජා කටුනායක ගුවන් තොටේදී මහින්ද රාජපක්ෂ ජනපතිට බාරදුන්නාය. නවදිල්ලි කෞතුකාගාරයේ තැන්පත් කර තිබූ මෙම සර්වඥධාතුන් වහන්සේලා රැුගත් විශේෂ ගුවන් යානය අද පෙරවරුවේ කටුනායකට ළඟා විය. මහින්ද රාජපක්ෂ ජනපති ඉන්දියා අගමැති මංමෝහන් සිං මහතාගෙන් කළ ඉල්ලීමකට අනුව එම සර්වඥ ධාතුන් වහන්සේ ශ්‍රී ලංකාවට වැඩම කරනු ලැබීය. 1978දීත් මෙම ධාතුන් වහන්සේලා ශ්‍රී ලංකාවට වැඩම එනු ලැබීය. අද සන්ධ්‍යාවේ සිට ධාතුන් වහන්සේලා කැළණිය මානෙල්වත්ත විහාරයේදී ප‍්‍රදර්ශනය කැරේ.