සේවක අර්ථසාධක  මුදල් අර්ථසාධක අරමුදලට බැර නොකළැයි කියන  කන්තලේ  ලංගම ඩිපෝ කළමණාකරු  පී බී ජයතිලක මහතා රුපියල් ලක්ෂ  පනහක ශරීර ඇප මත මුදා හරින්නැයි කන්තලේ මහෙස්ත්‍රාත්  ඩී එම් ජයරුවන් දිසානායක මහතා අද (01) නියෝග කළේය.

2011 වර්ෂයේදී ජනවාරි මස සිට ජුනී මාසය දක්වා කන්තලේ  ලංගම ඩිපෝවේ සේවකයින් 137 දෙනකුගෙන් මාසිකව  අයකරගෙන ඇති රුපියල්  හතලිස්අට ලක්ෂයකට ආසන්න පමණ මුදල සේවක අර්ථසාධක  අරමුදලට බැර කර නැති බව කියමින් කන්තලේ කම්කරු කාර්යාලයයෙන්  මෙම නඩුව පවරා තිබේ.

ලබන නොවැම්බර් 05 වැනිදා නැවත නඩුව කැදැවීමටද මහෙස්ත්‍රාත් නියෝග කළේය.