පැය භාගක මෙහෙයුමෙන් පසු වව්නියා බන්ධනාගාරයේ ප්‍රාණ ඇපයේ සිටි ජේලර්වරු තිදෙනා කොටි සැකකරුවන්ගෙන් බේරා ගැනීමට පොලිස් විශේෂ කාර්ය බලකාය සමත් විය. ඔවුන් බේරා ගැණුනේ පැය 19කට පසුවය. තාප්පවලින් හා වහලෙන් බන්ධනාගාරයට පැණ කඳුළු ගෑස් ගසා සිරකරුවන් මෙල්ල කළ එස් ටී එෆ් බටයෝ වසා දැමූ දොර අගුළු විදුලි කියත්වලින් කැපූහ. මෙහෙයුම අවසාන වෙත්ම බන්ධනාගාරය ඇතුලෙන් ගිලන් රිය තුනක් නික්ම ගියේය. එහි සිටි රැඳැවියන් බන්ධනාගාර බස් දෙකකින් අනුරාධ පුර සිරමැදිරියට ගෙන යෑමද ඇරැඹිණි.