ශිරානි බණ්ඩාරනායක අගවිනිසුරුවරිය වැරදිකාරිය කළ  පාර්ලිමේන්තු තේරීම් කාරක සභාවේ තීන්දුව අහෝසි කරන්නැයි අගවිනිසුරුවරිය විසින් ගොනු කැරුණු පෙත්සමෙන් ඉල්ලා ඇති අතුරු තහනම හා කමිටු සාමාජිකයනට නොතීසි නිකුත් කරන්නේ ද යන්න ගැන අභියාචනාධිකරණය සිකුරාදා පෙරවරු 11ට සිට තීන්දුව ප්‍රකාශයට පත් කිරීමට නියමිතය. අගිවිනිසුරුවරිය වෙනුවෙන් පෙනී සිටි ජනාධිපති නීතීඥ රොමේෂ් ද සිල්වා කමිටුව පක්ෂග්‍රාහී බවත් එක්සත් ජාතික පක්ෂයේ හා ජනතා විමුක්ති පෙරමුණේ මන්ත්‍රීන් ඉවත්වීමෙන් පසු නීත්‍යනුකූලභාවය පිළිබඳ ගැටළු මතුවන බව දීර්ඝ ලෙස කරුණු දැක්වීය. එස් වී ස්කන්ධරාජා (සභාපති), ඒ ඩබ් ඒ සලාම් සහ අනිල් ගුණරත්න යන අභියාචනාධිකරණ විනිසුරු මඩුල්ල හමුවේ පෙත්සම කැඳැවිණි.