සෞදියේ දමාම් වරාය අධිවේගී මාර්ගයේ දී බරවාහන දෙකක් හැපීමෙන් මිනුවන්ගොඩ අජිත් සුදර්ශන කුරේ (27) මහතා මරුමුවට පත් විය.
ඔහු රැකියාවට ගොස් මාස හතකට වඩා ගත වූයේ නැත.
ඔහුගේ පියා සෙල්වින් කුරේ මහතා ද, සෞදි අරාබියේ සේවය කරයි. පුතාගේ දේහය රැගෙන ශ්රී ලංකාවට එන බව ඔහු කියයි.
සිය පස් වසරක සේවය අවසානයේ ශ්රී ලංකාවට පැමිණෙන රියාද් තානාපති කාර්යාලයේ උපදේශක සරත් කුමාර මහතා කියනුයේ සෞදියේදී ශ්රී ලාංකිකයන් 105 දෙනෙකු මිය ගිය බවයි.
පසුගිය පස් වසරේ මිය ගිය සංඛ්යාව 500ක් පමණ වේ.
මියගිය අය වෙනුවෙන් රුපියල් කෝටි හත හමාරක වන්දි යැපෙන්නන්ට ලබා දුන් බවත් කියයි.
එහිදී මිය ගිය අයගෙන් සියයට හැටක්ම කාන්තාවෝය.
