(මනෝජ් හර්ෂික)
ගෙදර සුරතල් බලූ පැටවා යැයි රැවටී පාරේ අයාලේ යන බල්ලකු ගෙදර ගෙන ගොස් බිරියගෙන් හොඳ හැටි බැණුම් ඇසූ පුද්ගලයකු පිළිබඳ පුවතක් වාද්දුව ප්රදේශයෙන් වාර්තා වේ.
සිද්ධිය සැකවින් මෙසේය.
ඔහු වාදක ශිල්පියෙකි. හෙතෙම සංගීතයට මෙන්ම සුරතල් සතුන්ට ද මහත් ඇල්මක් දක්වන්නෙකි. ඒ නිසාම ඔහු විශාල මුදලක් වියදම් කරමින් බලූ පැටවකු රැුගෙන එන්නේ ඒ ඇල්ම හේතුවෙනි.
හොඳ කූඩුවක්, ඉස්තරම්ම කෑම බීම බලූ පැටවාට නොඅඩුව ලැබුණු අතර පවුලේ අනෙක් සමාජිකයෝ ද බලූ පැටවාට මහත් සේ ආදරය කළහ.
දිනක් ඔහු රැුකියාව නිමවී සවස යතුරුපැදියෙන් නිවෙස බලා යමින් සිටියදී හදිසියේම පාර අසළ තම සුරතල් බලූ පැටවා සිටිනු දැකීමෙන් පුදුමයටත් කෙන්තියටත් පත්ව යතුරුපැදිය ද නවතා වහා බලූ පැටවා සිටින තැනට ගියේ නිවැසියන්ට ද දොස් තබමිනි.
බලූ පැටවා ළඟට ගිය ඔහු බල්ලා තුරුළු කර ගත්තේ මහත් වූ සෙනෙහසකිනි. ‘‘ඔයාට අසනීපද පැටියෝ’’ යැයි කියමින් තම ලේන්සුවෙන් බල්ලාගේ කෙළ පිසිමින් බල්ලා ද රැුගෙන අමාරුවෙන් නිවෙස බලා යන්නේ නිවැසියන්ට හොඳ දෙකක් කීමේ අදහසිනි.
නිවසට යන විට ඔහුගේ බිරිය ආලින්දයේ පුටුවක වාඩි වී සිටියේය. යතුරුපැදිය නවතා ගෙට ගොඩවනවාත් සමගම ඔහු තම බිරිඳගේ ඇඟට කඩා පනිමින් ”මෙහෙමද මනුස්සයෝ අපේ පැටියව බලා ගන්නේ?” ඔහුට කීමට හැකි වූයේ එපමණකි. ”මේ මොන ජරා ගොඩක් ද මේ උස්සගෙන ආවේ. අපේ පැටියා අර යස අගේට ඉන්නේ කූඩුවට වෙලා”
ඔහුට ඉන් පසු සිද්ධිය පැහැදිලි විය. නොසරුප් වදනක් ද කියා ඔහු තම අතේ සිටි බල්ලා බිම දමා පයින් පහරක් ද ගසා ගෙදරින් එළවා දැමුවේ කේන්තියෙන් පුපුරමිනි.
