මාතරට නුදුරු උප නගරයක උපන් ඔහු පිළියන්දල ප්රදේශයේ ස්ථිර පදිංචියට ගියේ අගනුවර රැුකියාව කරන කාලය තුළ වූ විවාහයක ප්රතිඵල හැටියටය.
පසු කලෙක සේවය කළ පෞද්ගලික ආයතනයෙන් ඉවත්වූ ඔහු පසුගියදා ඥාතියකුගේ මරණය නිසා දින දෙකක්ම නිදි වරමින් ඒ කටයුතු කළේය.
පසුවදා නාන කාමරයට ගොස් සිටි ඔහුට බිරිය කීවේ ‘නා ගැනීමට කලින් කොණ්ඩය කපා ගත්තොත් නරකද?’ කියාය. ඊට එකඟවූ ඔහු හිතවත් කරණවෑමියා සොයා බාබර් සාප්පුවට ගියත් එහි සිටියේ ගෝලයා පමණකි.
සැලූන් පුටුවේ වාඩිවූ ඔහුට ගෝලයාගේ හිස පිරිමැදීමත් සමග තදට නින්ද ගියේය.
ඔහු අවදි වූයේ ‘හරි සර්’ කියා ගෝලයා තුවායෙන් පිටට තට්ටු කිරීමත් සමගය.
කණ්ණාඩියෙන් තම හිස දෙස බැලූ ඔහුට දෙවියන් සිහිවිය. කපා තිබුණේ තමා කවදත් අප්රිය වූ කොණ්ඩා කැපිල්ලකි. ‘කමක් නෑ ඉතිරි ටිකත් කපනවා’ කියා කොණ්ඩය කොටටම කපාගත් ඔහු ගෙදර විත් කොණ්ඩය වැවෙනතුරු නිවසේම සිටින අතර හදිසි ගමන් යන්නේ හිස් වැස්මක් පැළඳගෙනලූ.
