කොළඹ පළාතේ පැවැත්වූ සාදයක ආහාරපාන පිළියෙළ කිරීමේ හා පිළිගැන්වීමේ කටයුත්ත දකණු පළාතේ හිතමිතුරන් වෙත පැවරුනි. ආහාර පාන ප්රනීත ලෙස සුදානම් කෙරිණි. සියලූ කටයුතු බලාපොරොත්තු වූ අයුරින් සිදුවිය. මධුවිත පානය කොට නැටුම් ගැයුම්ද සිදුවිය.
ආහාරපාන පිළියෙළ කළ අයට හා පිළිගැන්වූ අයටද මධුවිත පානයට ඉඩ ප්රස්ථාව ලැබුණි. ඔවුන් අතර සිටි තරුණයෙක් ” අද නම් හම්බ වෙන්නේ රට බඩු, හොඳට බොන්න පුළුවන්” යැයි පැවසීය.
පැය කිහිපයකට පසු සාදය අවසන් විය. තරුණයාට උන්හිටිතැන් අමතක වී තිබුණි. සාදය පැවැත්වූ නිවෙස ඉදිරිපිට වූ කාණුවක දෙපාරක් ඇද වැටුණි.
අනෙකුත් සේවකයෝ ලොරි රථයට සියලූ බඩු බාහිරාදිය පටවාගෙන යාමට සුදානම් වූහ. එහෙත් හොඳට සූර්වී සිටි තරුණයා ලොරියට ගොඩවූයේ නැත. කෑගසමින් දිව යන්නට විය. ඉන්පසු කෙසේ හෝ බලහත්කාරයෙන්ම ඔහු ලොරියට නංවාගෙන ලොරියේ දොර වසා යාමට පිටත් විය.
ලොරිය දක්ෂණි අධිවේගී මාර්ගය ඔස්සේ ගමන් කරන්නට විය. වේලාව රාතී්ර 2.00 පසුවී තිබුණි. ටික දුරක් ගමන් කළ විට සූර් වූ තරුණයා ලොරියේ පිටුපස තිබූ බඩු බාහිරාදිය දොර විවර කොට මාර්ගයට විසි කළේය. මුලින්ම කෑම පිළිගන්වන භාජන විසි කළේය.
ඉන්පසු තෙල් කෑන් එකක් විසි කළේය.එය දුටු ලොරියේ හිමිකරු ලොරිය නවතා පසුපසට පැමිණ තරුණයාට පහරක් ගැසීය. ඔහුටද තෙල් කෑන් එකකින් ගැසීය. එයින් කිපුණු ලොරියේ හිමිකරු ඔහු මඟ දමා යන්නට පිටත් විය.
