ඔහු දකුණේ නමගිය වාස්තු විද්යාඥයෙකි. නිවාස සැලසුම් සකස් කර ගැනීම සඳහා සතර දික් භාගයෙන්ම විවිධ තරාතිරමේ මිනිසුන් නිවසට පැමිණෙන නිසා දවස ඉතාමත් අවිවේකීය. කෙසේ වුවද නැකත් ඇති දිනවලට නම් ඔහුට නම් ඉස්පාසුවක් නැත. අලූතෙන් තනන නිවෙස්වල පාද බෙදීම සඳහා විශාල ඇරයුම් ප්රමාණයක් ලැබෙන අතර ඔහුට සහභාගි වියහැක්කේ එක් ස්ථානයකට පමණි.
එහෙත් අනෙක් සේවාදායකයන්ගේ ඉල්ලීම අනුව ඔහු නිවෙස්වල වැඩ කරන ප්රධාන බාස් නිවසට කැඳවා අවශ්ය උපදෙස් ලබාදීම සිදුකර එක් ස්ථානයකට පමණක් වාස්තු විද්යාඥයා යාම සාමාන්ය සිරිතකි. කෙසේ වුවද බල කරන්නේ නම් යා යුතුම වෙනත් ස්ථානවලට ඔහුගේ පුහුණුව ලද කෙනෙකු යවන්නේද මුදලක් පොරොන්දු වීමෙන් අනතුරුවය.
කෙසේ වුවද තම වත්කමේ හැටියට මේ කාර්යය සඳහා නිවෙස් හිමියන් විසින් මුදල් ගෙවීම සිදුකරයි. ඒ සඳහා රු. 10,000ක් වැනි මුදලක් ලබාදෙන අතර වත්කම් අනුව ලැබෙන මුදල ඊට අඩු වැඩි වන අවස්ථා ඇත.
පසුගිය දිනෙක මොහුට නිවෙස් විශාල සංඛ්යාවක ලණු ඇදිමට තිබුණද ඒ සඳහා කළුතර ප්රදේශයේ අයෙකු ඇවිටිලි කළ නිසා එම නිවසේ කාර්යය ඉටුකර දීමට මොහු සිතා ගත්තේය. අපේ වාස්තු විද්යාඥයාද රත්ගම ප්රදේශයේ සිට පෙ.ව. 6.00ට පමණ වාද්දුවට යා යුතු බැවින් රාතී්ර 3.00ට පමණ නැගිට අවශ්ය වතාවත් සිදුකර තී්රරෝද රථයකින් අදාළ ස්ථානයට හැරලවාගෙන ඒ සඳහා රු. 1500ක්ද ගෙවා දැම්මේය.
කෙසේ වුවද කාර්යය අවසන් වූ පසු නිවෙස් හිමියා විසින් බුලත් කොලයක ඔතා ”ඔබ තුමා මේ තුටු පඬුර බාරගන්න” යැයි අයදිමින් බොහෝ ගෞරවාන්විතව දෑතින්ම අල්ලා එය පිළිගැන්වීය. ගෘහ නිර්මාණ ශිල්පියාද දෙවරක් නොසිතා එම බුලත් කොළය අඩංගු මුදල සාක්කුවේ බහාගෙන රත්ගම ප්රදේශයට පැමිණ නිවසට අවශ්ය අඩුම කුඩුම ටිකක් මිලට ගැනීම සඳහා වෙළෙඳසැලට ගොඩ වැදී රු. 5000ක පමණ බඩු මිලදී ගෙන බුලත් කොළය දිග හැරියේ බිල ගෙවා දැමීමටය. ඒ තුළ රු.200ක් තිබිණි. ඔහුට ඉබේම දෙයියෝ සාක්කි යැයි කියැවිණි. සාක්කුවේ මුදල් තිබූ නිසා බිල ගෙවා දමා බේරාගෙන නිවසටවිත් ඇඳට වැටුණේ කිසියම් පාඩමක් ඉගෙන ගත්තා යැයි සිතමිනි.
