හදිසි කාරණයකට යැයි සල්ලි ඉල්ලාගත් බිරිඳ සිය යහලු යෙහෙළියන් සමඟ ගෙදර පාටියක් දැමීම නිසා යන එන මං සොයා ගැනීමට නොහැකි වූ සැමියකු පිළිබඳ පුවතක් බස්නාහිර පළාතේ එක්තරා නගරයකින් අසන්නට ලැබුණි.
ඔහු පෞද්ගලික අංශයක සේවය කරන දෙදරු පියෙකි. බිරිඳ රැකියාවක් නොකරන අතර ඇය මුදල් වියදම් කිරීම අතින් ඉහළ මට්ටමක සිටින කාන්තාවකි. කෙසේ වෙතත් ඔහු ඇයගේ සිත නොරිදෙන ලෙස කටයුතු කරන්නේ ඇය හා කාලයක් ආදරය කර විවාහ වී මේ වන විටත් ඇයට දැඩි ලෙස ආදරය කරන නිසාය.
කෙසේ වෙතත් ඇය දින කිහිපයක සිට ඔහුගෙන් මුදලක් ඉල්ලා ඇති අතර එය තමාට දැරිය නොහැකි මුදලක් නිසා තමන්ගේ යතුරු පැදියට ඉන්ධන ගැසීම ඇතුළු වෙනත් අවශ්‍යතා සඳහා ඉතුරු කර ගත් මුදල් සහ යහලු‍වකුගෙන් අත මාරුවක් ගෙන ඇය ඉල්ලු මුදල ඇයට ලබා දී තිබේ.
එහෙත් ඇයගෙන් මේ සම්බන්ධයෙන් කිසිවක් ඔහු විමසීම් කර නැත්තේ මේ දිනවල පවතින ආර්ථික අපහසුතාව ඇය දන්නා බැවිනි.
ඔහු මුදල් ලබා දී පසුදින වැඩ ඇරී පෙට්‍රල් නොමැතිකම නිසා බස් රථයක අසීරුවෙන් පැමිණ ඉතිරිය පයින්ම නිවසට යද්දී දුටු දෙයින් ඔහු අන්දුන් කුන්දුන් වී තිබේ. නිවසේ සෙනඟ ගැවසෙන අයුරු දුටු ඔහු හනිකට ගොස් බිරි ඳ අමතා ඇයි හදිසියක් දැයි අසා තිබේ.
එවිට බිරිඳ ඔහු අමතා” මොන හදිසියක් ද අනේ අපේ “පිංකි” බලු පැටියගේ උපන් දිනය අද නේ ඔයාට අමතක වුණාද? මම අද පාටියක් ඕගනයිස් කළා යැයි” පවසා තිබේ.
ඊළඟ මාසයේ යහලු‍වාගේ ණය ගෙවු පසු මාසය ගෙවන්නේ කෙසේදැයි සිතමින් ඔහු බිරිඳට මුවින් නොබැන එම ස්ථානයෙන් පිටව ගියේ දෙවියන් සිහිපත් වී ලූ.
කලවාන - උපේන්ද්‍ර ප්‍රියංකර ජාතුංගම
