දකුණු පළාතේ ලුණු ලේවායට ආසන්නයේ පිහිටි ගම්මානයක සිට ප්‍රධාන නගරය දක්වා ගමන් කරන පෞද්ගලික බස්රථයකි. උදෑසන යන ගමනක් නිසා බසයෙහි සෑහෙන පිරිසක් සිටි අතර බසයට නැගගත් මැදිවියේ වූවකු එක් ආසනයක ඉඩකඩ ඇති හෙයින් කඩිනමින් එතැනට දිව ගියේ අසුන් ගැනීමටය.
එහෙත් ඒ ආසනයේම පසෙක වාඩිවී සිටියේ ඔහු සමඟ දැඩි වෛරයකින් පසුවන අයෙකි. එහෙත් ඔහු එතැන වාඩි වූයේය. මේ දෙදෙනා අතර වූ විරසකය හොඳින් දන්නා ගමේ වූවන් මොවුන් හැඳින්වූයේ ‘‘නයයි- පොළඟයි’’ ලෙසටය.
මොහොතකට පසු බසයෙන් බැසීමට ආ ගමේ විහිළුකාරයකු ‘‘ආ නයයි පොළඟයි’’ එක සීට් එකේ’’ උස් හඬින් කීවෙන් රියැදුරු වහාම බසය නවත්වා විපරම් කළේ කලබලයෙනි. බසයේ කොන්දොස්තරද කඩිනමින් එතැනට ආ අතර මගීහුද කලබල වූහ.
විහිළු කළ තැනැත්තා බැස ගිය අතර ආසනයේ වාඩි වී සිටි අයකු ‘අරූගෙ විහිළු කතාවක්’’ කියා ආසනයෙන් නැගිට වෙනත් තැනකට ගියෙන් මගීන් සිනා සෙන්නට වූ බව වාර්තාවේ.
තිහගොඩ උපසේන ලියනගම
