ඇය පස්සර ප්රදේශයේ පදිංචි 17 හැවිරිදි තරුණියකි. ඔහු හසලක ප්රදේශයේ තරුණයෙකි.
දෙදෙනා යාළුවූයේ දුරකථනය ඔස්සේය. දුරකථන සංවාද දිනෙන් දින ආදර සංවාද බවට පත්විය. දැන් ඔවුහු පෙම්වත්හුය.
“අනේ එන්නකෝ මට ආසයි ඔයා බලන්න” පෙම්වතිය කීවාය.
“හරි මං එන්නං හැබැයි ඔයාලගේ ගෙදරට නෙමෙයි, පස්සර කිරිමණ්ඩලය ළඟට” පෙම්වතා කීවේය.
පෙම්වතිය එයට එකඟවිය. පෙම්වතා ඉකුත් දා පැමිණියේ යතුරුපැදියෙනි. ඔහු අමතර හෙල්මට් එකක්ද සහිතව පැමිණ සිටියේය. “ආ නේ....... ඔයා (දුරකථන පෙම මෙතරම් ඉක්මනින් සැබෑවනු ඇතැයි දෙදෙනාම නොසිතූහ.
“අපි යමු මුතියංගනේ වඳින්න” පෙම්වතාගේ ආරාධනයට පෙම්වතිය දෙවරක් නොසිතාම කැමති විය. කූඩුවකින් මුදාහළ කුරුලු ජෝඩුවක් මෙන් යතුරුපැදියේ නැගුණු දෙදෙනා පියඹන්නට වූහ.
බදුල්ලට ළඟාවෙද්දී “අපි තේ එකක් බීල යමු” පෙම්වතා කීවේය.
“හා........ පෙම්වතිය කැමැති වූවාය.
තේ පානය සඳහා ගියත් පෙම්වතා පෙම්වතිය කැටුව ගියේ හෝටලයේ කාමරයකටය. විනාඩි කිපයක් යනවිට සියල්ල සිදුවී අවසන්ය. කෙල්ලට කඳුළු ආවේ ඉන්පසුවය. ඔයා මාව බඳින්න ඇය ආයාචනා කළාය.
“අපෝ දැන්ම බැහැ. මට රස්සාවකුත් නැහැ” පෙම්වතා කීවේය.
වැටුණ වළෙන් ගොඩ ඒමට අමාරු බව දැනගත් පෙම්වතිය හිතට ධෛර්යය ගෙන සිනාසී හරි එහෙනම් අපි අපේ නැන්දලාගේ ගෙදර යමු” කියා. යළි පස්සර ගොස් ගෙදර නොගොස් නැන්දලාගේ ගෙදරට පෙම්වතා කැටුව ගියේය.
නැන්දලාට මේ සිද්ධිය පැවසූ පසු නැන්දා ද පෙම්වතාගෙන් ඉල්ලා සිටියේ මේ තරුණිය සමග විවාහ වන ලෙසටය.
එම ඉල්ලීම ප්රතික්ෂේප කළ තරුණයා ආපසු හැරීයන්නට උත්සාහ කළත් එය අසාර්ථක විය. පෙම්වතිය කළ පැමිණිල්ලට අනුව පොලිසිය විසින් පෙම්වතා අත්අඩංගුවට ගෙන දෑතට විලංගු දැම්මේය. ස්ත්රී දූෂණය යන චෝදනාව ඔහුට එල්ලවී ඇත.
බදුල්ල ජ්යෙෂ්ඨ පොලිස් අධිකාරි ධම්මික වීරසේකර මහතාගේ උපදෙස් මත බදුල්ල මූලස්ථාන ප්රධාන පොලිස් පරීක්ෂක බී.යූ.පී. මානියන්ගම මහතාගේ මෙහෙවීමෙන් බදුල්ල පොලිසියේ අපරාධ විමර්ශන අංශය වැඩිදුර විමර්ශන සිදුකරයි.
(බදුල්ලේ පාලිත ආරියවංශ)
