කරන්දෙණිය එම්. සුසිල් ප්‍රියන්ත
පාසලේ දානයේ ඉතිරි වූ ඉවුම්පිහුම් අඩුම කුඩුම පන්සලක නම විකුණා සිය මුලු‍තැන්ගෙට රැගෙන ගිය අපූරු ආදි සිසුවකු පිළිබඳව පුවතක් ගාලු දිසාවේ ප්‍රධාන නගරයකින් අසන්නට ලැබේ.
පාසලේ ආදි කර්තෘ සැමරීම සඳහා පැවති මහා සාංඝික දානමය පිංකමකි. ඒ සඳහා දානය පිසුවේ පාසලේ කැන්ටිමේය.
දානයට වැඩි මහා සංඝයා පාසලෙන් වැඩියහ. ඒ සමගම ඔහු පැන්නේ පාසලේ කැන්ටිමටය. එහි ඉතිරිව තිබූ ලු‍ණු ඇටේ සිට හාල්, පරිප්පු, එළවළු වැනිදා ඔහු සිය වාහනයේ ඩිකියේ පටවා ගත්තේ දානය සඳහා වෙහෙස මහන්සි වූ කනිටු සේවකයන් ද බලා සිටියදීය. එයින් කිහිප දෙනෙක්ම ‘‘අනේ අපිටත් මොනවා හරි දෙන්න’’ යයි ඔහුගෙන් ඉල්ලු‍වෝය.
‘‘හනේ මම මේවා ගෙනියන්නේ අසවල් පන්සලට දෙන්න නේ. ඉතින් දෙන්න බැහැනේ’’ යයි ඔහු කියාගෙන මෝටර් රථය පදවාගෙන ගියේය.
රැගෙන ගිය පාසලේ දානයේ ඉතිරි ඉවුම් පිහුම් ද්‍රව්‍ය ඔහු දුන් පන්සලක් ගැන නම් තාමත් ආරංචියක් නැත්තේ ඒවා ඔහු සිය නිවෙසේ දානයට යොදාගත් බව නිසාලු.
