ශ්‍රී ලංකාවේ වඩාත් ජනප්‍රිය ළදරු සත්කාරක සන්නාමය වන බේබි ෂෙරමි විසින් 2025 වසරේ ජනතාවගේ හොඳම ළදරු සත්කාරක සන්නාමය ලෙසSLIM Kantar People සම්මාන උළෙලේ දී ගෞරව සම්මානයට පාත්‍ර විය. වසර 60කට වැඩි කාලයක් පාරිභෝගික විශ්වාසය දිනා ගනිමින් ශ්‍රී ලංකාවේ ළදරුවන් ආදරයෙන්, විශ්වාසයෙන් මෙන්ම පරිස්සමෙන් රැක බලා ගැනීමට අවශ්‍ය සුරක්ෂිත නිෂ්පාදන, නිෂ්පාදනය කළ බේබි ෂෙරමි, සිය ගමන්මගෙහි සුවිශේෂ සන්ධිස්ථානයක් මෙම ජයග්‍රහණයෙන් සනිටුහන් කරයි.
Kantar විසින් ශ්‍රී ලාංකේය ගෘහයන් පදනම් කර ගනිමින් පැවැත් වූ ස්වාධීන සමීක්ෂණ මාලාවක් ඔස්සේ සියලු‍ම ජයග්‍රාහකයන් තෝරා ගැනීම සිදු කර තිබේ. හොඳම ළදරු සත්කාර සන්නාමය” සම්මාන කාණ්ඩය SLIM ආයතනය විසින් 2025 වසරේ සම්මාන උළෙල ප්‍රථමවරට ඇතුළත් කරන ලද්දක් වන අතර, මෙම සම්මානය ප්‍රථමයෙන්ම ලබා ගත් ළදරු සත්කාරක සන්නාමය බේබි ෂෙරමි වීම සන්නාමය ලැබූ සුවිශේෂී ජයග්‍රහණයකි. මෙම වසරේ සම්මානය “Heart Share” යන තේමාව පෙරදැරි කර ගත් අතර පරම්පරා ගණනාවක් ශ්‍රී ලංකාවේ පවුල්වලට ආදරයේ සත්කාරය රැගෙන පැමිණි බේබි ෂෙරමි සන්නාමය සමග එය මනාව සහසම්බන්ධ වෙයි.
Hemas Consumer Brands හි කළමනාකරණ අධ්‍යක්ෂිකා සබි්‍රනා එසුෆලි මහත්මිය මෙසේ පැවසුවාය. “SLIM Kantar People’s Choice Awards 2025 2025 හි දී බේබි ෂෙරමි සන්නාමය, ජනතා ගෞරවාදරයට පාත්‍ර වීම පිළිබඳව අපි ඉතාමත් සතුටට පත් වෙනවා. බේබි ෂෙරමි සහ ශ්‍රී ලංකාවේ පවුල් සමග ඇති සමීප බැඳීමත්, සන්නාමය ශ්‍රී ලංකාව තුළ ගැඹුරින් මුල් බැස ගත් සත්කාරයේ උරුමයත් මෙම සම්මානයෙන් සමරනු ලබනවා. මෙම ගෞරවනීය සම්මානයෙන් අප පිදුම් ලැබීම මගින් ආදරයේ සහ රැකවරණයේ සුසිනිඳු ස්පර්ෂයෙන් ශ්‍රී ලාංකේය ළදරුවන්ව සුරක්ෂිත කර ඔවුන්ට හොඳම දේ ලබා දීම වෙනුවෙන් නවෝත්පාදන කිරීමට අපව දිරි ගන්වනවා.
Hemas Consumer Brands හි අලෙවි අධ්‍යක්ෂ ශියාන් ජයවීර මහතා මෙසේ පැවසීය. “ජනතාව විසින් තෝරා ගනිමින් ජනතාවගේ මනාපය මතින් දිනා ගත් මෙම සම්මානයෙන්, ගෘහස්ථ සන්නාමයක් ලෙස බේබි ෂෙරමි දිනා ඇති ස්ථාවරත්වයත්, ජාතියේ ආදරය දිනා ගත් ළදරු සත්කාරය සන්නාමය ලෙස අප මත තබා ඇති විශ්වාසයත් තවදුරටත් තහවුරු වෙනවා. බේබි ෂෙරමි වෙත හදවතින්ම ආදරය කරන සහ අපේ සන්නාමය සෑම නිවසකටම රැගෙන යන සියලු ශ්‍රී ලාංකිකයන් වෙනුවෙන් අපි හදවතින්ම ස්තූතිවන්ත වෙමින් බේබි ෂෙරමි ලබා ගත් මේ ආදරණීය ජයග්‍රහණය ඔවුනට පුද කරනවා. එසේම බේබි ෂෙරමි පවුලේ සියලු දෙනාගේම ගෞරවනීය ආදරය සියලු ශ්‍රී ලාංකිකයන්ට පිළිගන්වනවා.
“දරු පැටියාට සුරක්ෂිත ලොවක්‘ යන සන්නාමයේ නොවෙනස් අරමුණ, ළදරු සත්කාර කාණ්ඩය තුළ වසර ගණනාවක් පුරා වෙළෙඳපොළ ප්‍රමුඛයා ලෙස ජනතා ප්‍රසාදය සහතික කර ගැනීමට බේබි ෂෙරමි වෙත හැකියාව ලැබීමේ සාධක අතර ප්‍රධානතම සාධකය වේ.
