(සමන් කේ. ගමගේ)
සේනා දළඹු වසංගතයෙන් පවා බැට කෑ බඩඉරිඟු ගොවීන් , ඔවුන්ගේ අස්වැන්න සාධාරණ මිළකට විකුණා ගැනීමට නොහැකිවීමෙන්  මහත් පීඩාවට පත්ව ඇති බව ගොවීහු කියති.
මෙවර මාස් කන්නයේ බඩඉරිඟු අස්වැන්න ගොවීන්ගෙන්  සාධාරණ මිලකට ලබාගනිමින් සිටි පෞද්ගලික සමාගම් හා වෙළෙන්දන් හිටිහැටියේම බඩඉරිඟු මිල පහත හෙළීමෙන් තිරප්පනේ හා ගලෙන්බිඳුණුවැව බඩඉරිඟු ගොවීන් දැඩි අසීරූතාවට පත්ව ඇතැයි ගොවීහු පවසති.
තිරප්පනේ පුලියන්කුලමලමාවතවැව පඬිකෙටූවැව ඌරාකොටේ ගලෙන්බිඳුණුවැව කොලොන්ගස්වැවල මයිලගස්වැව ඇතුළු තවත් ගම්මාන බොහොමයක  බඩඉරිඟු ගොවීහු මෙලෙස පීඩාවට පත්ව සිටිති.
, මේ වතාවේ බඩඉරිඟු වගා කළ ගොවීන්ට සේනා දළඹුවා ගෙන් හානි වුණාග ඉතිරි වුණ බඩඉරිඟු අස්වැන්න දැන් 90‍ ක් ම නෙලා අවසන්. පසුගිය දවස් දෙකක් බඩඉරිඟු කිලෝවක් රුපියල් අසූ පහකට සමාගම් ඇවිත් මිල දී ගත්තාග ඒ මිල අපේ ගොවීන්ට සාධාරණයි. නමුත් හිටි හැටියේම සමාගම් විසින් බඩඉරිඟු   මිල රුපියල් හැටක් දක්වා පහත දාලා. ගොවියෝ බඩඉරිඟු ඇට හොඳට වේලලා විකුණන්න සූදානමින් ඉන්නේ අපි බොහොම දුක් මහන්සි වෙලා වගා කළේ. ඊට සාධාරණ මිලක් ලැබෙන්නේ නැත්නම් වැඩක් නැතැයි ගොවීහු කියති.