(ජයරත්න වික්‍රමාරච්චි)

නවගත්තේගම මහමැද්දෑව ප්‍රදේශයේ පුරන් කුඹුරක් තුළ මියගොස් සිටි ඇතෙකුගේ සිරුරක් හමුවී ඇතැයි නවගත්තේගම වනජීවී කාර්යාලය කියයි.

මේ පිළිබඳව එම ප්‍රදේශයේ ගොවියෙකු විසින් වනජීවී කාර්යාලයේ නිලධාරීන් දැනුම්වත්කර ඇත.

දින කිහිපයකට ඉහතදී මියගොස් ඇති බව පැවසෙන මෙම ඇතා ගේ වයස අවුරුදු 8ක් පමණ හා දළ යුගළ අඩි දෙකක් පමණ දිගින් යුතු වන බවත් වනජීවී කාර්යාලය පවසයි.

ඇතාගේ මරණයට හේතුව එතෙක් අනාවරණය වී නොතිබූ අතර, ඒ සම්බන්ධයෙන් 19 දින පශ්චාත් පශු වෛද්‍ය පරීක්ෂණයක් පැවැත්වීමට නියමිත විය.