(දයාරත්න ඇඹෝගම)

කහටගස්දිගිලිය පොලිස් වසමේ පහළ කුඩා පට්ටිය ප්‍රදේශයේ කාන්තාවකට අයත් ඉඩමක  නිධන්  ගැනීමේ අදහසින් කැණීම් සිදු කරමින් සිටි පුද්ගලයන් සිවු දෙනෙකු ඊයේ  (06)දින  අත්අඩංගුවට ගත්බව කැබිතිගොල්ලෑව මුලස්ථාන පොලිසිය කියයි.

මෙසේ අත්අඩංගුවට ගෙන ඇත්තේ පහළ කුඩාපට්ටිය,ත්‍රිකුණාමලය,තල්ගස්වල හා හොරොව්පොතාන ප්‍රදේශයේ පදිංචි වයස අවුරැදු 25ත් 32 අතර වියේ පසුවන පුද්ගලයන් සිවුදෙනෙකි.

ෙමෙම පුද්ගලයන් පහළ කුඩාපට්ටිය  ප්‍රදේශයේ කාන්තාවකට අයත් ඉඩමක නිදන් වස්තු ලබාගැනිමේ අරමුණින් කැනීම් කරන  බවට පොලිසියට ලද තොරතුරක් මත සිදුකළ වැටලිමේදි සැකකරුවන් අත්අංගුවට ගෙන තිබේ.

ඔවුන් නිධන් හැරිම සදහා භාවිතා කළ විදුලි මෝටර් 01 , ගල් විදින මැසින් 01, යකඩ කටු 08, යකඩ මිටි 02, කුලුගෙඩි 01ක් හා  පුජා භාණ්ඩද පොලිසිය සිය බාරයට ගෙන තිබුණි.